İstanbulda 3 məntəqədə səslər yenidən sayılacaq


20:29     02 Aprel 2019 19_04_02_1554222651.jpg


Türkiyədə 31 martda keçirilən bələdiyyə seçkilərinin nəticələri ilə bağlı 39 məntəqədə etiraz edilib.



Femida.az “Haberler.com”a istinadən xəbər verir ki, İstanbulun Beykoz, Fateh və Çəkməköy qəsəbələri üzrə dairə seçki komissiyaları səslərin yenidən sayılmasına qərar verib. Bəyoğlu qəsəbəsində isə bu müraciət rədd edilib.

Etirazlar etibarsız hesab edilən səslərlə bağlıdır. Məlumata görə, Beykozda 5352, Fatehdə 7354, Çəkməköydə isə 5684 etibarsız səs var.

Yenidən sayım bütün partiyaların müşahidəçilərinin iştirakı ilə baş tutacaq.

Qeyd edək ki, hazırkı nəticələrə əsasən Cümhuriyyət Xalq Partiyasının (CHP) namizədi Əkrəm İmamoğlu 48,79 faiz (4 milyon 169 min 987), Ədalət və İnkişaf Partiyasının (AKP) namizədi Binəli Yıldırım isə 48,51 faiz (4 milyon 146 min 42) səs toplayıb.

Femida.az

Açar sözlər:

Oxunub: 331