"Diqlas"dalı yanğında zərər çəkmiş daha 70 sahibkara yardım edilib
21:56 10 Aprel 2019
Bakının Nizami rayonunda yerləşən ticarət mərkəzində baş vermiş yanğında zərər çəkmış sahibkarlardan sənədlərin qəbulu və maddi yardımın ödənilməsi prosesi davam edir.
İqtisadiyyat Nazirliyindən Femida.az-a verilən məlumata görə, indiyədək 296 sahibkarın maddi yardımla bağlı ərizəsi qəbul edilib və İşçi Qrupu tərəfindən 161 sahibkara 1 mln. 146 min manat ödənilməsi qərara alınıb.
Bu gün daha 70 zərər çəkmiş sahibkarın bank hesabına 364 min manat məbləğində maddi yardım köçürülüb. İndiyədək İşçi Qrupu tərəfindən barəsində maddi yardımın ödənilməsi qərara alınmış 159 zərər çəkmiş sahibkara 1 mln. 142 min manat məbləğində maddi yardım ödənilib.
Qeyd edək ki, ödənişlər “Kapital Bank” və “TuranBank” vasitəsilə həyata keçirilir. Vəsaitlər sahibkarlara bank kartları vasitəsilə nağdsız şəkildə verilir və banklar tərəfindən maddi yardımdan xidmət haqqı tutulmur.
Bununla yanaşı, aprelin 6-dan etibarən sahibkarlar Bakının Nizami rayonunda yerləşən yanğın baş vermiş ticarət mərkəzindən mallarının çıxarılması prosesi də davam etdirilir. İqtisadiyyat, Maliyyə, Vergilər, Daxili İşlər, Fövqəladə Hallar nazirliklərinin, Baş Prokurorluğun, Dövlət Gömrük Komitəsinin, Nizami Rayon İcra Hakimiyyəti əməkdaşlarının və sahibkarların iştirakı ilə akt tərtib edilərək yanmamış mallar sahibkarlara təhvil verilir, yanğın nəticəsində yararsız vəziyyətə düşmüş mallar isə müvafiq akt tərtib edilməklə Suraxanı rayonunda xüsusi ayrılmış anbara göndərilir. İndiyədək 175 sahibkar mallarını ticarət mərkəzindən çıxarıb.
Sahibkarlar mallarının daşınması üçün nəqliyyatla təmin olunurlar.
Femida.az
Oxunub: 484
Oxşar xəbərlər
- “Diqlas”dakı yanğına görə 400-dən çox sahibkar dindirilib
- “Diqlas”ın söküntüsü yekunlaşır - FOTO
- "Diqlas"ın söküntüsü gələn həftə yekunlaşa bilər
- "Diqlas"ın söküntüsü 2 ay davam edəcək
- Nazir müavini: “Diqlasdakı yanğınla bağlı istintaq gedir”
- "Diqlas"ın söküntüsü başlandı
- “Diqlas”da malı yanan 366 sahibkara pul verilib
- “Diqlas”dan malların çıxarılması başa çatdırıldı
- "Diqlas"dakı yanğında zərər çəkmiş 228 sahibkara yardım ÖDƏNİLİB
- 75 sahibkarın yanmamış malı “Diqlas”dan çıxarılıb