Elinanın ölümünə görə - Direktora CİNAYƏT İŞİ AÇILDI

Elinanın ölümünə görə - Direktora CİNAYƏT İŞİ AÇILDI


12:35     16 Aprel 2019 19_04_16_1555403747.jpg


162 saylı orta məktəbdə intihar edən, 8-ci sinif şagirdi Elina Hacıyevanın ölümü ilə bağlı məktəbin direktoru Sevinc Abbasova cinayət məsuliyyətinə cəlb edilib.

Femida.az-ın Qafqazinfo-ya istinadən məlumatına görə, S.Abbasova Cinayət Məcəlləsinin 143-cü (Təhlükədə qoyma) və 314.2-ci (Səhlənkarlıq; zərərçəkmiş şəxsin ölümünə səbəb olduqda) maddələri ilə ittiham olunur. Dünən təqsirləndirilən şəxs barəsində həbs-qətimkan tədbiri seçilməsi üçün prokurorluğun təqdimatına baxılıb.

Səbail rayon məhkəməsinin hakimi Anar Tanrıverdiyev məhkəməni təxirə salıb. Sabiq direktor barəsində bu gün qərar qəbul ediləcək.

Qeyd edək ki, hadisədən sonra Təhsil naziri Ceyhun Bayramovun əmri ilə məktəb direktoru, müavini və psixoloq işdən çıxarılıb.

Femida.az

Açar sözlər: #direktor   #ölüm   #cinayət   #təhsil   #məktəb   #Elina  

Oxunub: 1274