İran ABŞ-ın 290 kəşfiyyatçısını ələ keçirib
17:28 19 Aprel 2019
İranın xüsusi xidmət orqanları ABŞ-ın Mərkəzi Kəşfiyyat İdarəsinin (CİA) İran ərazisində və regionda fəaliyyət göstərən iri casus şəbəkəsini ifşa edib.
Femida.az “Mehr” agentliyinə istinadən xəbər verir ki, bu barədə İranın kəşfiyyat və informasiya naziri Mahmud Ələvi bəyan edib.
“ABŞ-ın Mərkəzi Kəşfiyyat İdarəsinə qarşı həyata keçirdiyimiz çətin işlərin nəticəsində müxtəlif ölkələrdə, o cümlədən də İranda fəaliyyət göstərən 290 casusdan ibarət şəbəkə aşkar etmişik. Ölkəmizin xüsusi strateji əhəmiyyət daşıyan sahələrində aşkarladığımız onlarla amerikalı casus həbs edilib. ” – Ələvi vurğulayıb.
İran kəşfiyyatının rəhbəri onu da bildirib ki, Tehran ifşa etdiyi casus şəbəkəsi barədə məlumatları digər region ölkələrinə də ötürüb və onlar da CİA agentlərini həbs ediblər.
Ələvi həmçinin, ABŞ-ın Mərkəzi Kəşfiyyat İdarəsilə yanaşı, İran kəşfiyyatının Böyük Britaniyanın “Mi-6” məxfi kəşfiyyat xidmətinə işləyən casusların da aşkarlanması ilə məşğul olduğunu deyib.
Oxunub: 390
Oxşar xəbərlər
- İran Məsləhət Şurasının yeni tərkibi təsdiqlənib, Həsən Ruhani siyahıya daxil edilməyib
- İrandan Azərbaycana 53 kq-a yaxın narkotikin gətirilməsinin qarşısı alınıb
- İranın Milli Təhlükəsizlik üzrə Ali Şurasının katibi Azərbaycana gəlir
- İranda məcburi hicaba qarşı kampaniya başlayıb
- İranda yol qəzası olub, 14 nəfər ölüb
- İranın nüvə müəssisənin daha bir əməkdaşının meyiti aşkarlanıb
- İranın neft naziri Azərbaycana səfər edəcək
- İranın tanınmış din xadimi vəfat edib
- İranla İraq arasında diplomatik gərginlik artır
- İran Cəbrayılda xəstəxana tikəcək