Dollar kreditləri üzrə kompensasiya ödənilməsinə başlanılır
09:06 22 Aprel 2019
Prezident İlham Əliyevin "Fiziki şəxslərin problemli kreditlərinin həlli ilə bağlı əlavə tədbirlər haqqında” 28 fevral 2019-cu il tarixli fərmanına uyğun olaraq, bu gündən Azərbaycanda dollar kreditləri üzrə kompensasiya ödənilməsinə başlanılır.
Femida.az xəbər verir ki, bütün ödənişlərin gələn ayın sonuna qədər yekunlaşdırılması planlaşdırılır.
Xatırladaq ki, kompensasiya ödənişinin ümumi məbləği, ödəniş ediləcək fiziki şəxslərin siyahısı və hər bir fiziki şəxsə ödəniləcək vəsaitin məbləği müəyyən edilərək hər bir fəaliyyətdə və ləğvə prosesində olan kredit təşkilatı üzrə ayrılacaq vəsaitin məbləği barədə məlumat Maliyyə Nazirliyinə (MN) və Azərbaycan Mərkəzi Bankına (AMB) təqdim edilib.
Maliyyə Bazarlarına Nəzarət Palatasının (MBNP) təqdim etdiyi siyahıya uyğun olaraq, aprelin 19-dan MN müvafiq vəsaitlərin kredit təşkilatlarının, ləğv prosesində olan bankların və "Azərpoçt" MMC-nin AMB-dəki hesablarına köçürülməsinə başlayıb.
Kompensasiya alacaq şəxslərin sayı 602 347 nəfərdir. Həmin şəxslərin sayının və həyata keçiriləcək bank əməliyyatlarının həcminin çoxluğunu nəzərə alaraq kompensasiya verilməsi prosesinin optimal təşkili məqsədilə MN kredit təşkilatlarına vəsaitləri mərhələli şəkildə, MBNP ilə razılaşdırılmaqla köçürəcək.
Femida.az
Oxunub: 590
Oxşar xəbərlər
- Azərbaycan neftinin qiyməti 102 dollara yaxınlaşır
- Azərbaycan nefti 6 dollardan çox bahalaşıb
- Qubada içərisində 125 min manat və 10 min dollar pul olan seyf oğurlanıb
- Bill Qeyts xeyriyyə fonduna 20 milyard dollar bağışlayıb
- AİB Ukraynaya əlavə 700 milyon dollar ayıracaq
- Ukrayna ABŞ-dan əlavə 50 milyon dollarlıq silah və texnika alacaq
- Rusiya İlan adasında 915 milyon dollarlıq texnika itirib
- Azərbaycan nefti 3 dollaradək bahalaşıb
- Azərbaycan nefti 2 dollardan çox ucuzlaşıb
- Ukrayna Rusiyanın 7 milyon dollarlıq daha bir PUA-sını məhv edib