Formula 1-də ikinci günün proqramı
10:07 27 Aprel 2019
Aprelin 27-də Bakıda Formula 1 Azərbaycan Qran Prisinin ikinci yarış gününə start verilir.
Trend-in məlumatına görə, bu günün proqramında Formula 2 bolidlərinin paradı və F2 pilotlarının birinci yarışı var.
Bundan başqa, Bakı trekində Formula 1 bolidlərinin üçüncü sərbəst yürüşü və sıralama turu keçiriləcək.
Həmçinin “Alfa Romeo” və “Mercedes” komandalarının pilotlarının avtoqraf sessiyası olacaq.
Ümumilikdə şəhər trasında hər biri iki pilotla təmsil olunan 10 komanda yarışacaq. Bakıda yarışa qatılan sürətsevərlər arasında Lyuis Hemilton, Fernando Alonso, Sebastyan Fettel, Valtteri Bottas, Kimi Raikkonen, Maks Ferstappen kimi tanınmış pilotlar var.
Azərbaycan paytaxtında 4-cü dəfə keçirilən Formula 1 yarışları aprelin 28-dək davam edəcək.
Xatırladaq ki, Formula 1 Bakıda 2016-cı ildən keçirilir. Şəhər trasının uzunluğu 6 kilometrdən bir qədər çoxdur. Trekin ən geniş sahəsi 13 metr, ən dar hissəsi isə İçərişəhər yaxınlığında, yeddi və səkkizinci döngələrdir – 7,6 metr. Start və finiş xətti “Azadlıq” meydanındadır.
2016-cı ildə “Williams” komandasının pilotu Valtteri Bottas tərəfindən Bakıda Formula 1 yarışlarının sürət rekordu qeydə alınıb – 378 km/saat.
Azərbaycanda Qran Priyə tamaşa etmək üçün daha çox Rusiya, Böyük Britaniya, Gürcüstan, Niderland, Polşa, BƏƏ və Finlandiya vətəndaşları səfər edirlər.
Oxunub: 515
Oxşar xəbərlər
- Bakıda "Formula 2"nin əsas yarışı başlayıb
- NİİM “Formula 1" ilə bağlı sürücülərə müraciət edib
- Bakıda "Formula 1"ə hazırlıqla əlaqədar hərəkət məhdudlaşdırılacaq
- Formula 1 Azərbaycan Qran Prisi 2021-in qalibləri müəyyən olundu
- "Formula 1": Azərbaycan Qran-prisində əsas yarış başladı
- Bakıda Formula 2 yarışlarının qalibi bəlli olub
- Formula 1-in açılış mərasimində Dövlət Himnini qazi səsləndirəcək
- Bakı Formula 1 Azərbaycan Qran-Prisinə tam hazırdır
- DYP “Formula 1” ilə bağlı məlumat yaydı
- "Formula 1" zamanı bulvar bağlı olacaq? - AÇIQLAMA