Bu fermerlərin sayı 107 min nəfərə çatdı
11:42 29 Aprel 2019
Elektron Kənd Təsərrüfatı İnformasiya Sistemində (EKTİS) qeydiyyatdan keçən fermerlərin sayı 106 964 nəfərə çatıb.
Femida.az xəbər verir ki, EKTİS-də ən çox Sabirabad, Biləsuvar və Şəki rayonlarında yaşayan fermerlər qeydiyyatdan keçiblər. Sabirabadda 6530, Biləsuvarda 5280, Şəkidə 5028 fermer öz aqrar fəaliyyətlərinə dair məlumatları yeni sistemə daxil ediblər. Daha 9 rayonda isə qeydiyyatdan keçən fermerlərin sayı 3 mindən artıqdır.
Ümumilikdə 76056 fermer torpaq mülkiyyətini təsdiq edən Dövlət Aktı və şəhadətnamə, 19269 fermer Əmlak Məsələləri Dövlət Komitəsinin verdiyi çıxarış, 1097 fermer icarə sənədi, 711 fermer etibarnamə, 154 fermer vərəsəlik şəhadətnaməsi əsasında sistemdə qeydiyyatdan keçib. Qalan fermerlər EKTİS-də yaratdıqları şəxsi kabinetə ilkin mərhələdə tələb olunan digər sənədləri əlavə ediblər.
Sistemdə ən çox qeydiyyat aprelin 24-də aparılıb. Həmin gün ölkə üzrə 10425 fermer öz aqrar fəaliyyətlərinə dair məlumatlarını sistemə daxil ediblər. Elektron Kənd Təsərrüfatı İnformasiya Sistemində təxminən 440 mindən çox fermerin qeydiyyatdan keçəcəyi gözlənilir. EKTİS-də şəxsi kabinet yaratmaq, məlumatları ardıcıl şəkildə sistemə daxil etmək üçün Dövlət Aqrar İnkişaf Mərkəzlərinin əməkdaşları, Aqrar İnkişaf Könüllüləri və ASAN Könüllüləri fermerlərə informasiya məsləhət xidməti göstərirlər. Azərbaycanın müxtəlif bölgələrində bu prosesə cəlb olunan DAİM əməkdaşları və könüllülərə Kənd Təsərrüfatı Nazirliyinin əməkdaşları tərəfindən təlimlər keçirilir.
EKTİS sisteminin tətbiqinə Vətəndaşlara Xidmət və Sosial İnnovasiyalar üzrə Dövlət Agentliyi də dəstək verir. Fermerlər DAİM-lərə və ASAN Xidmət Mərkəzlərində yaradılmış xüsusi xidmət pəncərələrinə yaxınlaşaraq EKTİS-in tətbiqi ilə bağlı məsləhət ala bilərlər.
Femida.az
Oxunub: 452
Oxşar xəbərlər
- Bu gündən uşaq bağçalarına elektron qəbul başlayır
- Nazir: "İlin sonunadək elektron xidmətlərin növlərinin sayı 150-yə çatdırılacaq"
- Azərbaycanda 3 mindən artıq şəxsə elektron nəzarət vasitələri tətbiq olunub
- Müəllimlərin işə qəbulu üzrə elektron sənəd qəbulu başa çatır
- Müəllimlərin işə qəbulu üzrə elektron sənəd qəbulu başlayıb
- ƏDV üzrə artıq ödənilmiş vəsaitlərin qaytarılması ilə bağlı “Vahid elektron lövhə” yaradılıb
- 9-cu sinif şagirdlərinin elektron yerdəyişməsi dayandırılıb
- IX sinif şagirdlərinin elektron yerdəyişməsi dayandırılır
- Ağdaşda elektron qolbaq daşıyan şəxsdən narkotik götürülüb
- Azərbaycanda nazirliyin keçmiş vəzifəli şəxsinə elektron qolbaq taxılıb