Ərəblərin yenidən Azərbaycana axını gözlənilir


22:14     01 May 2019 ereb%20turist.jpg

Azərbaycan nəqliyyat və ticarət əlaqələrinin güclənməsilə Körfəz ölkələrindən gələn turistlərin sayında 20 faiz artıma nail olmağı hədəfləyir.

Bunu Azərbaycan Turizm Bürosunun baş icraçı direktoru Florian Zenqstşmid “The National” saytına müsahibəsində deyib.

F.Zenqstşmid bildirib ki, 2018-ci ildə Azərbaycana gələn ərəb turistlərin sayı 30 faiz artaraq 200 min nəfərə çatıb:

"Bu, ümumilikdə ölkəyə gələn 2,8 milyon turistin 8 faizi deməkdir. Ərəb körfəzi ölkələri Azərbaycana turist axınına görə Rusiya və Gürcüstandan sonra üçüncü yerdədir. Ərəb turistlərin sayının 2019-cu ildə daha da artacağı və 240 minə çatacağı təxmin edilir”.

Baş icraçı direktor qeyd edib ki, Körfəz ölkələri Azərbaycan üçün olduqca vacib bazardır. Güclü mədəni əlaqələr və birbaşa aviareyslər turist axınına əsas verir:

"Son iki ildə Körfəz ölkələrinin “Emirates”, “Etihad Airways”, “Flydubai” və “Air Arabia” kimi aviaşirkətləri Bakı və Qəbələyə birbaşa xəttlər açıb. Azərbaycan sürətlə böyüyən daşınmaz əmlak, istehsal və xidmət sənayelərinə investisiya yatıran potensial müştərilər də daxil olmaqla Körfəz ölkələrindən biznes turizmi də cəlb etməyi planlaşdırır". (Trend)

Femida.az

Açar sözlər:

Oxunub: 249


Oxşar xəbərlər