Vüsal Hüseynov: “Azərbaycan miqrantlar üçün populyar məkandır”


15:52     03 May 2019 2019/05/vusal_huseynov1_1556884433.jpg

"Azərbaycan miqrantlar üçün populyar məkandır, çünki burada təhlükəsizlik tam təmin olunub, multikultralizm, dözümlülük hökm sürür"


Femida.az xəbər verir ki, bunu Dövlət Miqrasiya Xidmətinin rəisi Vüsal Hüseynov V Ümümdünya Mədəniyyətlərarası Dialoq Forumu çərçivəsində keçirilən "Miqrasiya, yerdəyişmə və insan təhlükəsizliyi" adlı plenar sessiyada çıxışı zamanı deyib.
Xidmət rəisi bildirib ki, miqrantlar Azərbaycanı məskunlaşmanın mümkün məkanı kimi qiymətləndirirlər: "Bu, hökümətin uzunmüddətli siyasəti ilə bağlıdır. Biz turizmin, sərmayələrin Azərbaycanda inkişaf etməsi ilə bağlı tədbirlər görmüşük".

V.Hüseynov qeyd edib ki, hazırda dünyada 20 milyon miqrant var: "Məcburi köçkünlərın sayı isə 8 milyon nəfərdir. Bu, rekord saydır. Miqrasiya bir sıra platformalarda müzakirə mövzusuna çevrilib. Dinamik inkişaf yeni çətinlikləri, təhlükələri, insan təhlükəsizliyini gündəmə gətirməyə başlayıb. Miqrasiya eyni zamanda inkişafa dəstək verir. Dünyanın istənilən ölkəsi miqrasiya siyasətindən maksimum yararlanmaq istəyir".

DMX rəisi vurğulayıb ki, Azərbaycan hər zaman beynəlxalq öhdəliklərinə sadiqdir: "Miqrasiya baxımından Azərbaycan müvafiq beynəxalq sənədləri imzalayıb. Milli qanunvericiliyimizi həmin standartlara uyğunlaşdırmışıq. Miqrasiya transsərhəd problemdir, müxtəlif ölkələr bu səpkidə əməkdaşlıq edir".

Femida.az

Açar sözlər: #Vüsal_Hüseynov  

Oxunub: 579