Ali Məhkəmə Gömrük Hospitalının iranlı həkiminin cəzasını azaldıb
19:43 06 May 2019
Ali Məhkəmədə qaçaqmalçılıq yolu ilə gizli şəkildə ölkəyə dərman gətirməkdə təqsirləndirilən İran vətəndaşı - Jahani Hiveh Hamid Mohammadin kassasiya şikayətinə baxılıb.
"Report"un xəbərinə görə, hakim Tahir Kazımovun sədrliyi ilə keçirilən prosesdə qərar elan olunub.
Qərara əsasən, iran vətəndaşının 5 il 6 ay müddətinə azadlıqdan məhrumetmə cəzası 4 ilə endirilib.
Qeyd edək ki, İran vətəndaşları - Jahani Hiveh Hamid Mohammad və Ghahremani Hafez Habib İrandan Azərbaycana qaçaqmalçılıq yolu ilə gizli şəkildə dərman gətirməkdə təqsirləndirilərək saxlanılıblar.
Jahani Hiveh Hamid Mohammad uzun illərdir Azərbaycanda yaşayır və barəsində cinayət işi başlanılan zaman Dövlət Gömrük Hospitalında cərrah-həkim kimi çalışıb. O, hazırlıq iclasında məhkəmə zalında həbs olunub.
Bakı Ağır Cinayətlər Məhkəməsinin hökmü ilə Jahani Hiveh Hamid Mohammad 7 il və Ghahremani Hafez Habib 7 il 6 ay müddətinə azadlıqdan məhrum edilib. Hökmdən narazı qalan məhkumlar apelyasiya şikayəti veriblər. Bakı Apellyasiya Məhkəməsinin qərarına əsasən, iranlıların hər birinin cəzası 1 il 6 ay azaldılıb. Daha sonra həkim kassasiya şikayəti ilə Ali Məhkəməyə müraciət edib.
Oxunub: 443
Oxşar xəbərlər
- Ali Məhkəmə Əli Əliyevin kassasiya şikayətini təmin etməyib
- Ali Attestasiya Komissiyası sədrinə yeni müavin təyin olunub
- Ali Attestasiya Komissiyasının Rəyasət Heyətinin üzvü vəfat edib
- Ali Məhkəmə sevgilisini öldürən qadınla bağlı qərar elan edib
- Ali Məhkəmə “Azərişıq” ASC-nin şöbə rəisi ilə bağlı qərar elan edib
- Ali Məhkəmə sevgilisinin qətlini sifariş edən qadınla bağlı qərar çıxarıb
- Ali məktəb və kolleclərə ərizə qəbulu başa çatıb
- Ali məktəblərə tələbə qəbulu qaydalarına dəyişiklik edilib
- Ali məktəblərin magistraturalarına qəbul imtahanı başa çatıb
- Ali Məhkəmə xəstəxanada ana ölümünə görə ginekoloqla bağlı qərar elan edib