“Baku Medical Plaza”da uşaq dünyaya gətirən müəllimə öldü - TƏFƏRRÜAT
12:37 07 May 2019
Bu ilin mart ayında “Baku Medical Plaza”da əməliyyat yolu ilə uşaq dünyaya gətirən 117 saylı orta məktəbin müəllimi 40 yaşlı Lətafət Xanoğlan qızı Şirəliyeva vəfat edib.
Femida.az xəbər verir ki, əməliyyatdan sonra kəskin ağrıları olan və apendisiti partlayan qadın tibbi müdaxilələrə baxmayaraq dünyasını dəyişib. 12 illik övlad həsrətindən sonra ana olan Lətafət Şirəliyevanın həyat yoldaşı Baba Şirəliyev bildirib ki, həyat yoldaşı həkim səhlənkarlığının qurbanı olub.
Belə ki bir neçə gün əvvəl virtualaz.org saytına açıqlama verən B.Şirəliyev bildirib ki, bu ilin martın 2-də “Baku Medical Plaza” klinikasının Babək filialında qeysəriyyə əməliyyatı ilə körpə dünyaya gətirib. Amma övlad həsrətinin sevinci cəmi 10 gün çəkib, qadının qarnı şişib, hərarəti yüksəlib, şiddətli baş ağrıları başlayıb. Məlum olub ki, qadının qarnına su yığılıb və onun apendsiti partlayıb. Aprelin 8-də təkrar əməliyyat olunan L.Şirəliyeva bir ay müddətində ağır vəziyyətdə reanimasiyada saxlanılsa da vəfat edib.
Oxunub: 2068
Oxşar xəbərlər
- “BakuBus”un avtobusu qəzaya düşüb
- “BakuBus” sürücülərin işə qəbulunu elan edib
- “Baku-2019”a görə bəzi yollar bağlanır
- “Bakubus”un avtobusu 3 piyadanı vurub - BNA səbəbi açıqladı
- “Baku Bus”un avtobusu qəza törətdi: Yaralılar var
- “Baku Bus” işçi axtarır – VAKANSİYA
- “BakuBus”a yeni şöbə müdiri təyin edilib
- “BakuBus”da qız üstündə dava - Orta yaşlı kişi döyüldü