Rzayevlərin iddiası təmin edildi - Müəllimə böhtan atan valideynlər CƏZALANDIRILDI
16:49 07 May 2019
Aktyor-rejissor Rza Rzayev və 220 saylı məktəbin direktor müavini Zeynəb Rzayeva ilə həmin məktəbdə oxuyan bəzi şagirdlərin valideynləri arasındakı mübahisə ilə bağlı məhkəmə prosesi başa çatıb. İclas Nizami rayon məhkəməsində baş tutub. Femida.az-a bu barədə R.Rzayev özü məlumat verib.
Zeynəb Rzayevaya qarşı məktəbin sinif müəlliməsi Taliyə Mirzəliyeva və onunla əlbir olan 3 valideyn və məktəbin psixoloqu Gülbəniz İsmayılova tərəfindən aparılan qarayaxma kampaniyası və böhtan xarakterli ittihamların "Yeni avaz" adlı media orqanında işıqlandırılmasına görə, məhkəmə həmin valideynlərdən ikisini cəzalandırıb. 220 nömrəli məktəbin sinif müəlliməsi Mirzəliyeva Taliyə Gündüz qızı tərəfindən öyrədilmiş valideyinlər Salmanova Pərvanə Ələkbər qızına və Məmmədova Aliyə Məhərrəm qızına Nizami Rayon Məhkəməsinin qərarı ilə 6 ay islah etmə işləri hökmü çıxarılıb. Və Zeynəb Rzayeva cavabdeh şəxslərin xususi ittiham qaydasında höküm çıxarılan Salmanova Pərvanə Ələkbər qızı, Məmmədova Aliyə Məhərrəm qızı və “yeniavaz.com” saytı haqqında Nizami Rayon Məhkəməsində mülki iddia da qaldırıb. İddiaçı tərəfə Nizami rayon Məhkəməsi tərəfindən bu gün iddia ilə bağlı hökmün sürəti təqdim edilib.
Aliyə Məmmədova
Pərvanə Salmanova
Hakim Rauf Əhmədov təqsirləndirilən şəxslər Aliyə Məmmədova və Pərvanə Salmanovanın “Yeniavaz” portalının “youtube” kanalındakı Z.Rzayeva ilə bağlı rüşvət alması və şagirdlərdən pul yığması iddiasını böhtan kimi qiymətləndirib. Beləliklə hər iki şəxsin Cinayət Məcəlləsinin 147.2 (Ağır və ya xüsusilə ağır cinayətdə ittiham etməklə böhtan atma) maddəsinin tərkib hissəsini yaradan hərəkətlərə yol verdiyi qeyd olunub. Sözügedən xanımlara Nizami rayon məhkəməsi tərəfindən 6 ay müddətində islah işləri növündə cəza təyin edilib.
Bundan başqa məhkəmə ekspertizasına görə xərclənmiş 320 manatın Pərvanə Salmanova və Aliyə Məmmədovadan müştərək qaydada tutulması ilə bağlı qərar çıxarılıb. Eyni zamanda şərəf və ləyaqətə və işgüzar nüfuza vurulmuş zərərə görə Salmanova Pərvanə Ələkbər qızından 500 manat, Məmmədova Aliyə Məhərrəm qızından 500 manat məbləğinda pul vəsaiti xüsusi ittihamçı və mülki iddiaçı Rzayeva Zeynəb Vəli qızının xeyrinə tutulması və Yeniavaz.com internet səhifəsində üzr istənilməsi hökm olunub.
Amin Nəzərli
Femida.az
Oxunub: 2658
Oxşar xəbərlər
- Bakıda mənimsəmədə təqsirləndirilən qadının məhkəməsində şahid dindirilib
- Tərtərdə bacısını qətlə yetirməkdə təqsirləndirilən şəxsin məhkəməsi başlayır
- Tanışını öldürməyə cəhddə təqsirləndirilən şəxsin məhkəməsi başlayır
- Bakıda dələduzluqda təqsirləndirilən şəxs məhkəmə zalında həbs edilib
- Məhkəmə hakimlərinə məzuniyyətə çıxarkən verilən pul vəsaiti azaldılıb
- Konstitusiya Məhkəməsi sədrinin maaşı 1075 manat artırılıb
- Azərbaycanda məhkəmə hakimlərinin maaşı artırılıb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Mixeil Saakaşvilinin məhkəməsi yenidən təxirə salınıb
- Bakıda 9 il əvvəl qətl törətməkdə təqsirləndirilən şəxsin cinayət işi məhkəməyə göndərilib