Müəllimlərin dərs yükünün bölünməsində yeni qayda
17:18 14 May 2019
Azərbaycanda ixtisasartırma proqramından keçmiş müəllimlərin yekun qiymətləndirmədə topladığı bal direktorun dərs yükünün bölünməsi ilə bağlı verdiyi qərara təsir göstərəcək.
Ölkəmizdə əlavə təhsilin təşkili, monitorinqi və qiymətləndirilməsini həyata keçirən Təhsil İşçilərinin Peşəkar İnkişafı İnstitutunun direktoru Vəfa Yaqublu bildirib ki, müəllimləri yeni tədris proqramı ilə tanış etmək məqsədilə 2008-ci ildən etibarən 10 il ərzində ölkədə bütün ixtisasartırma təlimlərinin böyük hissəsini “kurikulum kursları” təşkil edirdi. Həmin təlimlərdə müəllimlər 3 səviyyə üzrə qiymətləndirilirdi: “Müəllimin neçə bal yığdığını daxili qiymətləndirmə müəyyən edirdi, bu da bəzi hallarda qeyri-obyektiv olur, hətta korrupsiyaya yol açırdı. Əvvəllər müəllimlər təlimlərdə iştirak edir, nəticəsinin necə olmağından asılı olmayaraq, “məqbul” yazılmış sertifikat alırdılar”.
V.Yaqublu deyib ki, hazırda ixtisasartırma proqramından keçmiş bütün müəllimlər İnsitut tərəfindən keçirilən yekun qiymətləndirmədə iştirak edir və müdavimlərə verilən sertifikatda müəllimin topladığı bal yazılır. Xarici qiymətləndirmə və sertifikatda balın göstərilməsi neqativ halların qarşısını almağa hesablanıb”.
İnstitut direktorunun sözlərinə görə, sertifikatda hər bir proqram üzrə həm müəllimin toplaya biləcəyi maksimal bal, həm də topladığı bal yazılır:
“Məsələn, məktəb direktoru eyniadlı təlimdə iştirak etmiş 2 müəllimin nəticələri ilə onların sertifikatına baxmaqla tanış ola, dərs yükünün bölünməsinə qərar verə bilər. Yeri gəlmişkən, müəllimlərin ixtisasartırma təhsili haqqında sertifikatlarında əks edilmiş məlumatlar həmçinin Ümumi Təhsil İnformasiya Sisteminə daxil edilir”.
Femida.az
Oxunub: 899
Oxşar xəbərlər
- Göygöldə və Yevlaxda qətl törətdən müəllimin məhkəməsi başlayır
- Ağır qəzaya düşən müəllim xəstəxanada ÖLDÜ - FOTO
- Müəllimlərin işə qəbulu üzrə elektron sənəd qəbulu başa çatır
- DİN-in Polis Akademiyasının professor-müəllim heyətinin maaşlarına əlavələr olacaq
- Müəllimlərin işə qəbulu üzrə elektron sənəd qəbulu başlayıb
- Müəllim olmaq istəyənlərə şad xəbər - QAYDALAR DƏYİŞDİ
- Azərbaycanda qadın müəllim yanıb öldü - ŞOK TƏFƏRRÜAT
- Müəllimlərin yerdəyişməsi üzrə vakansiya seçimi başlayır
- Universitet müəllimi qiymət qarşılığında qızları soyundurub? - ÖZÜ DANIŞDI
- Bakı Avropa Liseyinin müəllimi qəflətən vəfat edib