Rəşid Behbudov küçəsindəki problem aradan qaldırılıb
15:39 15 May 2019
Bakının mərkəzində magistral su xəttində baş verən qəza aradan qaldırılıb.
"Azərsu" ASC-dən Femida.az-a verilən məlumata görə, hadisə yerinə cəlb edilən qəza xidməti borunu təmir edib və ətraf ərazilərə suyun verilişi bərpa edilib: "Ötən gün baş vermiş qəza aradan qaldırılıb, artıq bu gün səhər saatlarından ətraf ərazilərə içməli suyun verilişi bərpa olunub".
Xatırladaq ki, mayın 14-də günorta saatlarında paytaxtın Rəşid Behbudov küçəsində 500 mm diametrli magistral polad boru kəmərində qəza baş vermişdi. Hadisə nəticəsində bir neçə küçəni su basmış, avtomobillərin hərəkətində problem yaranmışdı.
Femida.az
Oxunub: 389