Azərbaycan əhalisinin 45 faizi gənclərdir
13:42 18 May 2019
Azərbaycan əhalisinin 45 faizini yaşı 30-dək olanlar təşkil edir.
Bunu Baş nazirin müavini, Azərbaycan Respublikasının Dayanıqlı Inkişaf üzrə Milli Əlaqələndirmə Şurasının sədri Əli Əhmədov “Gənclər təşkilatlarının dayanıqlı inkişaf məqsədləri naminə” konfransda çıxışı zamanı bildirib.
Onun sözlərinə görə, Azərbaycan hökuməti dünyanın 2030-cu ilədək dəyişməsi üçün üzərinə düşən işləri yerinə yetirir.
“Azərbaycan əhalisinin 45 faizi yaşı 30-dək olanlardır. Qarşıya qoyulan hədəflərlə nail olmaq üçün addımların atılması daha çox gənclərin gələcək həyatı ilə bağlı olan məsələlərdir. İşsizlik problemlərinin həlli bilavasitə gənclərin həyatı ilə bağlıdır. Bu baxımdan gənclər qlobal layihənin həyata keçirilməsində maraqlı olmalıdırlar”, - deyə Əli Əhmədov qeyd edib.
Baş nazirin müavini qeyd edib ki, bu layihənin əsas hədəfləri gənclərdir:
“Onlar 2030-cu ilədək ayrı-ayrı ölkələrin həyatında mühüm rol oynayacaqlar. Hazırda dünyada 7,5 milyard insan var. 2030-cu ildə əhalinin sayı 1 milyard nəfər artacaq. Dünya əhalisinin artımının 80 faizindən çoxu Afrika və Asiya qitələrinin payına düşəcək. Əhalinin artımı dünya əhalisinin köç problemini də aktual edir. 2030-cu ilədək bu problemlərin həlli üçün səylər göstərilməlidir. Cəmi 10 il vaxt qalıb. Problemlər həll edilməlidir”. / oxu.az
Femida.az
Oxunub: 553
Oxşar xəbərlər
- “Antinarkomaniya Sahəsində Gənclərin Təşəbbüsü” İctimai Birliyi tərəfindən maarifləndirici çarx çəkilib
- Gənclərə biznes və karyera ilə bağlı təlim keçirilib
- Gənclər Fondu Müşahidə Şurasının tərkibi dəyişdirilib - SİYAHI
- Gənclər və idman naziri yeni idarə rəisi təyin edib
- Gənclər və İdman Nazirliyində yeni təyinat olub
- Gənclər və İdman Nazirliyində üç yeni təyinat olub
- Gənclər və idman nazirinin müavinləri işdən çıxarılıb, yeniləri təyin olunub
- DİN 28 yaşadək gənclərə müraciət etdi: 27 dekabradək ...
- Bakı Forumunda dünya problemlərinin həllinə gənclərin töhfəsi müzakirə olunub
- Prezident və birinci xanım Şamaxı Gənclər Parkında