Bakıda polis əməliyyatı – Mağazalardan oğurluq edən yeniyetmə saxlanılıb
15:05 21 May 2019
Daxili İşlər Nazirliyinin (DİN) Baş Mühafizə İdarəsi Nəsimi Rayon Mühafizə İdarəsinin əməkdaşları gecə saatlarında 20 Yanvar küçəsində yerləşən mağazadan oğurluq edilməsinin qarşısını alıblar.
DİN-dən Femida.az-a bildiriblər ki, xüsusi texniki vasitələrlə qorunan obyektdən Mərkəzi Mühafizə Məntəqəsinə daxil olan “Həyəcan” siqnalı yoxlanılan zaman qapının sındırıldığı məlum olub.
Polis əməkdaşları hadisə yerinə gələrək əlində kəsici alət olan bir nəfəri mağazadan oğurluq etmək istəyən zaman saxlayıblar. Ərazi üzrə Nəsimi Rayon Polis İdarəsinin 19-cu polis şöbəsinə aparılan həmin şəxsin yetkinlik yaşına çatmayan S.P. olduğu müəyyən edilib.
Onun ətrafında aparılan əlavə əməliyyat tədbirləri ilə həmin şəxsin Nəsimi rayonunda müxtəlif vaxtlarda bir avtomobildən, dərzixanadan, gözəllik salonundan və daha bir mağazadan pul, həmçinin mobil telefonlar oğurladığı məlum olub. Faktlarla bağlı araşdırmalar davam etdirilir.
Femida.az
Oxunub: 379
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"