Avtovağzalda pulsuz QİÇS müayinəsi keçirildi


15:33     21 May 2019 2019/05/s_1558438585.jpg


Səhiyyə Nazirliyinin Respublika QİÇS-lə Mübarizə Mərkəzi və Bakı Beynəlxalq Avtovağzal Kompleksi (BBAK) birgə insanın immun çatışmazlığı virusu (İİV) ilə bağlı maarifləndirmə və müayinə tədbiri keçirib.


Femida.az xəbər verir ki, BBAK-da QİÇS-lə Mübarizə Mərkəzinin səyyar Könüllü Müayinə və Məsləhət məntəqəsi təşkil olunub.

Təşkil olunan səyyar məntəqədə həm sərnişinlər, həm də işçilər üçün pulsuz İİV-ə ekspres-testdən keçmək imkanı yaradılıb.

Sözügedən tədbir “Avropa İİV-ə testləşmə həftəsi” kampaniyası çərçivəsində baş tutub.
Tədbirin əsas məqsədi müayinə aksiyaları keçirməklə xəstəliyə yoluxan insanları maksimal dərəcədə aşkarlamaq, tez bir zamanda müalicəyə cəlb etmək, eləcə də virusun yayılmasının qarşısını almaq və əhalinin sağlam həyat tərzi barədə biliklərini artırmaqdır.







Femida.az

Açar sözlər: #İİV   #QİÇS   #avtovağzal   #səhiyyə  

Oxunub: 791