Mingəçevirdə cərrahlar 5-7 min manat maaş alırlar
18:35 21 May 2019
"İyun ayından başlayaraq Mingəçevir Mərkəzi Xəstəxanasında neyrocərrahi əməliyyatların aparılması planlaşdırılır"
Femida.az xəbər verir ki, bunu Azvision.az -a açıqlamasında Mingəçevir Şəhər Mərkəzi Xəstəxanası publik hüquqi şəxsin direktoru Könül Ələkbərov deyib. O bildirib ki, artıq bununla əlaqədar xəstəxanaya neyrocərrah dəvət olunub.
K.Ələkbərovun sözlərinə görə, xəstəxananda mümkün olmayan, dəyəri yüksək olan əməliyyatlar başqa klinikalarda göndərişlə həyata keçirilir: "İki il ərzində başqa klinikalarda 328 açıq ürək əməliyyatı keçirilib, 200-dən çox ürək damarlarına stend qoydurulub".
Direktor vurğulayıb ki, İcbari Tibbi Sığorta layihəsinin tətbiq olunduğu 2 il 5 ay ərzində xəstəxanada ana ölümü faktı qeydə alınmayıb.
"Xəstəxanada qeysəriyyə kəsiyi əməliyyatı keyfiyyətə nəzarət komitəsinin rəyindən asılı olaraq həyata keçirilir. Yəni əməliyyat istəyə görə yox, komitənin qərarından asılıdır. Komitə yaradılandan sonra bu əməliyyatlar 35 faiz azalıb".
Bundan başqa, baş direktor deyib ki, həkimlərin təkmilləşməsi, praktik vərdişlərin artırılması və digər xarici ölkələrə təlim keçməsi üçün göndərilməsinə başlanılıb və bununla əlaqədar gələn ay 3 ciddi konfransın keçirilməsini nəzərdə tutulub.
K.Ələkbərov əlavə edib ki, hazırda xəstəxananın cərrahları 5-7 min manat civarında maaş alırlar: "Bununla hədəflərimiz bitmir. Çalışırıq ki, tibbin ən son nailiyyətləri xəstəxanamızda tətbiq olunsun".
Femida.az
Oxunub: 496
Oxşar xəbərlər
- Mingəçevirdə qanunsuz qum-çınqıl hasilatı işləri aparan şəxsin cinayət işi məhkəməyə göndərilib
- Mingəçevirdə qayda pozuntuları törədən 35 sürücü cərimələnib
- Mingəçevirdə qadın vətəndaşlara qarşı 30 min manata yaxın dələduzluq edib
- Mingəçevirdə qanunsuz balıq ovu ilə bağlı 5 cinayət faktı qeydə alınıb
- Mingəçevirdə koronavirus xəstələri ictimai yerlərdə aşkarlanıb
- Mingəçevirdə ana və azyaşlı övladları dəm qazından zəhərlənib, ölən var
- Mingəçevirdə saxta pul çap edən qadın və kişi saxlanılıb
- Mingəçevirdə keçmiş məhkumdan heroin götürülüb
- Mingəçevirdə kütləvi dava olub, iki nəfər bıçaqlanıb
- Mingəçevirdə yarımtikilidə meyit tapılıb