Bakı metrosundakı işlərə 170 mln. manat xərclənib
16:05 22 May 2019
Ötən il dövlət əsaslı vəsait qoyuluşu xərclərindən infrastruktur təyinatlı layihələrə 2996,4 mln. manat vəsait yönəldilib.
Femida.az xəbər verir ki, bu barədə "2018-ci il dövlət büdcəsinin icrası barədə" qanun layihəsində bildirilir.
Ölkədə avtomobil yollarının, yol infrastrukturunun layihələndirilməsi və tikintisinə 792,4 mln. manat vəsait ayrılıb.
Bura “Ağ şəhər”ə gedən yolun, Samur və Tərtər çayları üzərindən avtomobil körpüsünün, Bakı şəhəri, Quba və Ucar rayonlarında yerüstü piyada keçidlərinin tikintisi, “Ələt-Astara-İran dövlət sərhədi avtomobil yolu”nun Asiya İnkişaf Bankı tərəfindən maliyyələşdirilən hissəsində, “Magistral yol - III” Dünya Bankı tərərfindən maliyyələşdirilən hissəsində Azərbaycan tərəfinin iştirak payının maliyyələşdirilməsi daxildir.
Hesabat ilində “Bakı Metropliteni” QSC-də tikinti və yenidənqurma işlərinin davam etdirilməsi, yeni vaqonların və avadanlıqların alınması üçün dövlət əsaslı vəsait qoyuluşu xərclərindən 165,7 mln. manat vəsait ayrılıb.
Bura III yeni (Bənövşəyi) xəttin “B-3”-“B-4”-“B-5” stansiyalarında, III yeni (Bənövşəyi) xəttin “Xocasən” elektrik deposu ilə “Avtovağzal” stansiyaları arasında tunellərin, elektrik depolarının tikintisi, yeni vaqonların, generatorların alınması, “Xətai” stansiyası üçün yeni eskalatorların alınıb quraşdırılması, “İçərişəhər” elektrik yarımstansiyasının binasının əsaslı təmiri, yeni avadanlıqlarla təchiz edilməsi, kabel xətlərinin çəkilməsi və s. daxildir.
Femida.az
Oxunub: 359
Oxşar xəbərlər
- Bakı metrosunda 4 azyaşlını dilənçiliyə sövq edən qadın saxlanılıb
- Metroda küt alətlə insanları hədələyən şəxs saxlanılıb
- Bakı metrosunda qatarda nasazlıq yaranıb
- Bakı metrosunda pis qoxu səbəbindən sərnişinlər təxliyə edilib
- Bakı metrosunda sərnişin vəfat edib
- "Bakı Metropoliteni"nin Elektrik Təchizatı Xidmətinin rəisi dəyişib
- Bakı metrosunun iki yeni stansiyasında tikinti işləri gedir
- Bakı metrosu bu il alacağı yeni qatarları avqustda xəttə buraxacaq
- Metronun iş rejimi "Qarabağ"a görə uzadılıb
- "Ulduz" metrostansiyasının yaxınlığında yanğın başlayıb