Kolleclərə imtahansız qəbul mümkün olacaq - Yalnız bu şəxslərə
10:18 23 May 2019
Bakalavrlar ali təhsil pilləsi üzrə aldıqları ixtisasdan asılı olmayaraq, orta ixtisas təhsili müəssisələrinə ödənişli əsaslarla müsabiqədənkənar qəbul oluna biləcəklər.
Femida.az-ın məlumatına görə, bakalavrlara bu hüquq, “Orta ixtisas təhsili müəssisələrinə bakalavrların, ali təhsil müəssisələrinin bakalavriat səviyyəsinə (əsas (baza ali) tibb təhsilinə) müvafiq ixtisaslar üzrə subbakalavrların qəbulu, habelə bakalavriatı (əsas (baza ali) tibb təhsilini) başa vurmayan şəxslərin orta ixtisas təhsili müəssisələrinə köçürülməsi Qaydaları”nda verilib.
Qaydalara əsasən, orta ixtisas təhsili pilləsində dövlət hesabına təhsil almaq üçün bakalavrlar Dövlət İmtahan Mərkəzi tərəfindən orta ixtisas təhsili müəssisələrinə keçirilən müsabiqədə ümumi qaydada iştirak etməlidirlər. Orta ixtisas təhsili müəssisələrinə müsabiqədənkənar qəbul olunmaq istəyən bakalavrlar ərizə ilə həmin təhsil müəssisələrinə müraciət edəcəklər.
Orta ixtisas təhsili müəssisələrinə bakalavrların müsabiqədənkənar qəbulu təhsil müəssisəsi tərəfindən aparılacaq. Bakalavrın təqdim etdiyi sənədlərdə uyğunsuzluq və (və ya) çatışmazlıq aşkar edildikdə və onların aradan qaldırılması mümkün olmadıqda, bakalavrın orta ixtisas təhsili müəssisəsinə qəbul edilməsindən imtina olunacaq.
Femida.az
Oxunub: 2891
Oxşar xəbərlər
- BDU kollecinin tələbəsi dənizdə boğulub
- Kolleclərə qəbulla bağlı qabiliyyət imtahanlarında iştirak üçün qeydiyyat başlayıb
- Ali məktəb və kolleclərə ərizə qəbulu başa çatıb
- 17 kollecə publik hüquqi şəxs statusu verilir
- Kolleclərin boş qalan yerlərinə qəbul olunan abituriyentlərin siyahısı açıqlanıb
- Bu gün ali məktəblərə və kolleclərə ixtisas seçimi başa çatır
- Mingəçevir Turizm Kolleci publik hüquqi şəxsə çevriləcək
- Kolleclərə tələbə qəbulu elan edilib
- Ali məktəb və kolleclərə ərizə qəbulu bu gün başa çatır
- Ali məktəblərə və kolleclərə sənəd qəbulu başladı