Koçaryanı azadlığa buraxan hakim istefa verdi

Koçaryanı azadlığa buraxan hakim istefa verdi


17:26     24 May 2019 19_05_24_1558704418.jpg


Ermənistanın Ali Məhkəmə Şurasının sədri Qaqik Arutyunyan istefa verib.


Femida.az-ın “Sputnik Ermənistan”a istinadən verdiyi xəbərə görə, o, bir neçə gün öncə sabiq prezident Robert Koçaryanın azadlığa buraxılması ilə bağlı verdiyi qərarı və bundan sonra ölkədə məhkəmələrə qarşı keçirilən aksiyalar fonunda istefa verməli olub.

Xatırladaq ki, R. Koçaryan 2008-ci ilin 1-2 mart hadisələrinə görə həbs edilmişdi. O, konstitusiya quruluşunu devirməyə cəhddə ittiham olunurdu.

Eks-prezident sərbəst buraxıldıqdan sonra Baş Nazir Nikol Paşinyanın çağırışı ilə vətəndaşlar bütün məhkəmələrin giriş-çıxışını bağlamış, daha sonra yenə onun çağırışı ilə bloklanmış məhkəmələrə girişi bərpa etmişdilər.

Femida.az

Açar sözlər: #Koçaryan   #Ermənistan  

Oxunub: 393