Qəbiristanlıqda bibisini öldürən şəxsə 19 il cəza verildi

Qəbiristanlıqda bibisini öldürən şəxsə 19 il cəza verildi


20:20     24 May 2019 1398947325_mehkeme.jpg

Bu gün Bakı Ağır Cinayətlər Məhkəməsində qəsdən adam öldürməkdə təqsirləndirilən Mişi Migirovun cinayət işi üzrə məhkəmə prosesi başa çatıb.

Femida.az xəbər verir ki, hakim Rasim Sadıxovun sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə o, 19 il azadlıqdan məhrum edilib.

İttihama görə, ötən il Qubanın Slaboda qəsəbəsində qəsəbə sakini M.Migirov bibisi Şuşan Sumxayevanı qəbiristanlığa apararaq xüsusi amansızlıqla döyüb. Nəticədə xəstəxanaya yerləşdirilən Ş.Sumxayeva ölüb.

Quba Rayon Polis Şöbəsinin əməkdaşları M.Migirovu saxlayıb.

Xatırladaq ki, M.Migirov daha əvvəl Rusiya Federasiyasında məhkumluq həyatı yaşayıb.

Açar sözlər:

Oxunub: 186