AAYDA gücləndirilmiş iş rejiminə keçdi - Avroliqa finalına görə
14:49 27 May 2019
28 may - Respublika günü və UEFA-nın Avropa Liqasının final oyununun Azərbaycanda keçirilməsi ilə əlaqədar olaraq ölkəyə xarici qonaqlar və turistlərin gələcəyi, bır sıra bayram tədbirlərinin keçiriləcəyi, həmçinin respublikanın bölgələrinə səfər edən, istirahət zonalarına üz tutan vətəndaşların sayının artacağı və bununla da ümumi istifadədə olan avtomobil yollarında avtonəqliyyatın hərəkət intensivliyi gözlənilir.
Femida.az xəbər verir ki, bu barədə Azərbaycan Avtomobil Yolları Dövlət Agentliyinin açıqlamasında bildirilir.
"Qeyd edilənləri nəzərə alaraq, 27-29 may tarixlərində avtomobil yollarının, körpülərin, yol qurğularının qorunmasına nəzarətin gücləndirilməsi, nəqliyyat vasitələrinin fasiləsiz və təhlükəsiz hərəkətinin təmin edilməsi, baş verə biləcək yol nəqliyyat hadisələri zamanı yol infrastrukturuna dəymiş ziyanın və qəzanın nəticələrinin qısa müddətə aradan qaldırılması, vətəndaşlar tərəfindən edilmiş zənglərin operativ cavablandırılması, qeyd edilən müddət ərzində avtomobil yollarında nəzarətin həyata keçirilməsi məqsədilə Agentlik gücləndirilmiş iş rejiminə keçib, qurumun aparatında və tabeliyindəki məhdud məsuliyyətli cəmiyyətlərdə sutkalıq növbətçilik təşkil edilib.
Belə ki, avtomobil yollarının və yol qurğularının istismar vəziyyəti barədə, həmçinin yollarda və yol qurğularında ekstremal vəziyyət yarandığı hallarda Agentliyin 012-599-79-75 nömrəli “Qaynar xətt”inə və respublikanın aidiyyəti qurumlarına operativ şəkildə məlumat verilməklə zəruri tərbirlər görülməli, körpülərin requlyasiyalarının dağılmış hissələrinin bərpasını və körpülər yerləşən ərazidə çay yataqlarının təmizlənməsi işlərinə nəzarət edilməli, yol nişanlarının, yol avadanlıqlarının, siqnal dirəklərinin eləcə də avtomobil dayanacaqlarının texniki vəziyyətinə baxış keçirilməklə nöqsanlar aradan qaldırılmalıdır.
“Qaynar xətt”ə daxil olan məlumatlar isə öz növbəsində növbətçi və məsul növbətçilər tərəfindən operativ şəkildə qeyd edilib aidiyyəti üzrə çatdırılmalı və baş vermiş hadisələrin zərərli nəticələrinin aradan qaldırılması üçün zəruri tədbirlərin görülməsi təmin edilməlidir", - deyə açıqlamada qeyd olunub.
Femida.az
Oxunub: 494
Oxşar xəbərlər
- AAYDA: Azərbaycanın bəzi yolları buz bağlayıb
- AAYDA: Göyçayda avtomobil körpüsü uçmayıb
- AAYDA: “Şuşaya II avtomobil yolunun inşası gələn il başa çatdırılacaq”
- AAYDA vətəndaşlara müraciət edib
- Bərdə - Ağdam avtomobil yolunun tikintisi başladı
- Suqovuşan və Talış kəndlərinə gedən yolların asfaltlanmasına başlanılıb
- Prezident AAYDA-ya 12,5 milyon manat ayırdı
- Dövlət Agentliyi: "Heç bir vətəndaşa zor tətbiq edilə bilməz"
- Bu Agentliyə 21,8 milyon manat ayrıldı
- İlham Əliyev yeni 85 km-lik yolun layihəsi ilə tanış oldu - Foto