Saakaşvilinin Ukrayna pasportu özünə qaytarıldı

Saakaşvilinin Ukrayna pasportu özünə qaytarıldı


18:41     29 May 2019 19_05_29_1559136765.jpg


Gürcüstanın keçmiş Prezidenti, Ukraynanın Odessa vilayətinin sabiq qubernatoru Mixail Saakaşviliyə Ukrayna pasportu geri qaytarılıb.

Saakaşvili özü bu barədə məlumat paylaşıb.

“Ukraynanın Varşavadakı gözəl konsulu mənə Ukraynaya qayıtmaq üçün pasportumu qaytarıb. İndi isə aeroporta, oradan isə Kiyevə!”.

Qeyd edək ki, dünən Ukraynanın yeni seçilmiş Prezidenti Vladimir Zelenski Saakaşviliyə Ukrayna vətəndaşlığını qaytarıb.

Onu da xatırladaq ki, M.Saakaşvili Ukrayna vətəndaşlığından 2017-ci il iyulun 26-da çıxarılmışdı. Bununla bağlı fərmanı o vaxt Ukraynanın Prezidenti olan Petro Poroşenko imzalamışdı.



Femida.az

Açar sözlər: #Saakaşvili   #Ukrayna  

Oxunub: 168