Cocuq Mərcanlıda humanitar aksiyaya start verilib
20:50 01 İyun 2019
1 iyun – Uşaqların Beynəlxalq Müdafiəsi günü münasibətilə peşəkar kardioloq həkimlərdən ibarət səyyar komanda bu gün Cəbrayıl rayonunun Cocuq Mərcanlı kəndində və Füzuli rayonunun Horadiz qəsəbəsində növbəti humanitar aksiyaya start verib.
Femida.az-ın məlumatına görə, onlar Qarabağ bölgəsindəki uşaqların pulsuz kardioloji müayinəsini həyata keçirirlər. Milli Məclisin deputatı, həkim-kardioloq, tibb elmləri doktoru Rəşad Mahmudovun bildirdiyinə görə, azərbaycanlı və Türkiyədən gəlmiş həkimlərin qatıldığı aksiya 3 gün davam edəcək.
“Hər zaman olduğu kimi, yenə də dövlətimizin səhiyyə sahəsində Uşaqların Beynəlxalq Müdafiə gününə həsr olunmuş layihəsi ilə buraya gəlmişik. “Uşaq ürəkləri Qarabağda döyünür” devizi altında 20-yə yaxın həkimin iştirakı ilə Dövlət Gömrük Komitəsi Tibb İdarəsinin səyyar tibb maşını bütün avadanlığı ilə birlikdə Cocuq Mərcanlıya və Horadizə yola çıxıb. Üçgünlük missiyada Qarabağ bölgəsində həm anadangəlmə ürək qüsurlu uşaqların ətraflı müayinəsi, həm də sağlam uşaqların “check-up” müayinəsi aparılacaq. Problemi olan uşaqların da gələcəkdə Bakıdakı böyük tibb mərkəzlərində problemlərinin həlli istiqamətində addımlar atılacaq”, - deyə Rəşad Mahmudov əlavə edib.
Aksiya çərçivəsində "Uşaq xəstəlikləri diaqnostika və müalicəsində yeniliklər" adlı Beynəlxalq Pediatrik Elmi Konfrans keçirilir.
Femida.az
Oxunub: 546
Oxşar xəbərlər
- Cocuq Mərcanlıdakı yarımstansiya sıradan çıxıb
- Cocuq Mərcanlıya ilk avtobus yola düşdü
- Cocuq Mərcanlıda “Qarabağ Azərbaycandır!” lövhəsi açılıb
- Cocuq Mərcanlı sakinlərinə gübrə paylanılacaq
- Cocuq Mərcanlıda dənizçilərlə əsgərlərin görüşü keçirilib
- Cocuq Mərcanlıda yeni müəssisə açılıb
- Cocuq Mərcanlı sakinlərinə mineral gübrələr verilib
- Cocuq Mərcanlıda gənc hərbçilərlə görüş keçirilib
- Cocuq Mərcanlıda gənc hərbçilərlə görüş
- Cocuq Mərcanlıda SON VƏZİYYƏT