Tramp İranla bağlı mövqeyini yenə dəyişdi
21:50 05 İyun 2019
ABŞ Prezidenti Donald Tramp İranla bağlı mövqeyini yenə dəyişdi.
İran və Böyük Britaniya KİV-ləri baş məqalələrində bu başlıqdan istifadə ediblər. Böyük Britaniyada dövlət səfərində olan Prezident Donald Tramp bu ölkənin İTV telekanalına müsahibəsində İrana qarşı hərbi əməliyyatların istisna olunmadığını bildirib: “...mənin istəyimdən asılı olmayaraq, İrana qarşı hərbi əməliyyatların həyata keçirilməyəcəyini iddia etmək olmaz”. ABŞ Prezidenti deyib ki, hərbi əməliyyat məsələsi həmişə nəzərdə olub.
Xatırladaq ki, ötən ay Yaponiyaya səfər edən Donald Tramp bəyan etmişdi ki, ABŞ İran ilə müharibəyə can atmır.
İranda Ramazan bayramı ilə əlaqədar qeyri-iş günləri olduğu üçün rəsmilərin bu məsələyə münasibətini öyrənə bilmədik.
Qeyd edək ki, Trampın Böyük Britaniyaya səfəri Londonda və digər böyük şəhərlərdə etirazlarla qarşılanıb. Britaniya ictimaiyyətinin nümayəndələri küçələrdə aksiyalar keçirərək ABŞ Prezidentinin İran və Yaxın Şərq siyasətinə etiraz ediblər. (AzərTAc)
Oxunub: 417
Oxşar xəbərlər
- Tramp Baydeni Əfqanıstanda iflasa görə üzr istəməyə çağırıb
- Tramp yeni partiya qurmağa hazırlaşır?
- Trampın sonuncu fərmanı: Keçmiş məmurlar əfv olundu
- Tramp vida çıxışı etdi
- Tramp Baydeni "feyk prezident" adlandırdı
- Trampın müşaviri istefaya getdi
- Tramp seçki nəticələrinə etiraz etmək üçün mitinqlər keçirməyi planlaşdırır
- Tramp səslərin sayılmasının dayandırılmasını tələb edib
- Tramp qalib gəldiyini elan etdi
- Tramp ABŞ qoşunlarını Somalidən çıxarmağa hazırlaşır