Oğru “Pitbull” saxlanıldı
12:48 06 İyun 2019
Nəsimi Rayon Polis İdarəsi 21-ci Polis Bölməsi əməkdaşlarının həyata keçirdikləri uğurlu əməliyyat-axtarış tədbirləri nəticəsində paytaxt ərazisində silsilə oğurluqlar edən şəxs saxlanılıb.
Daxili İşlər Nazirliyinin mətbuat xidmətindən Femida.az-a verilən məlumata görə, əməliyyat zamanı Bakı şəhər sakini Pərviz İlyasov tutularaq istintaqa təqdim edilib.
Araşdırma zamanı müəyyən edilib ki, həmin şəxs aprelin 24-də Nəsimi rayonunda yerləşən mağazalardan birindən içərisində 15000 manat olan seyfi oğurlayıb. Elə həmin gün P.İlyasov ödəmə terminallarından birinin kassasını yararaq içərisində olan 1000 manatı da talayıb. Qeyd edilən faktlarla bağlı Nəsimi RPİ-nin İstintaq Şöbəsində Cinayət İşi başlanılıb, araşdırmalar davam etdirilir.
Özünə "Pitbull" ləqəbi götürən bu şəxsin digər cinayətlərdə iştirak etdiyi də istisna olunmur. Onun əməllərindən zərərçəkən başqa vətəndaşlar varsa, bu barədə Daxili işlər Nazirliyinin "102" Zəng Mərkəzinə, Nəsimi RPİ-nin 21-ci Polis Bölməsinə müraciət edə bilərlər.
Femida.az
Oxunub: 405
Oxşar xəbərlər
- Oğru sahibləri Rusiyada yaşayan evləri hədəf seçdi
- Oğru narkotiklə tutuldu
- Oğru iş başında yaxalandı
- Oğruların evə girərkən axtardıqları 10 ƏN ƏSAS YER
- Oğrunun digər cinayətlərinin üstü açıldı
- Oğru ev sahibini bıçaqladı - Bakıda
- Oğru qadının digər cinayəti üzə çıxdı
- Oğru qadın tutulub
- Oğrular tutuldu
- Oğru qadının daha bir cinayəti açıldı
