Mikayıl Cabbarov: Mövqeyimiz sərtləşəcək
13:08 13 İyun 2019
Vergi qanunvericiliyi üzrə pozuntularla bağlı Vergilər Nazirliyinin mövqeyində sərtləşmə olacaq.
Femida.az xəbər verir ki, bunu Avropa İttifaqı-Azərbaycan biznes-forumunda çıxış edən Vergilər naziri Mikayıl Cabbarov deyib.
Nazir bildirib ki, Azərbaycanda vergi yükünün azaldılmasına baxmayaraq, vergi daxilolmaları artıb:
“Vergi daxilolmalarının 92 faizi könüllü ödənişlər hesabına həyata keçirilib. Biz bu dinamikanı beş ayda qoruyub-saxlamağa nail olmuşuq”.
Onun sözlərinə görə, 2020-ci ildə bir sıra dəyişikliklər olacaq. Bu dəyişikliklər texniki, o cümlədən, ötən illər müzakirəsi aparılmış, lakin qarşıdakı dövrdə həyata keçirilməsi nəzərdə tutulan məsələlərdir.
M.Cabbarov deyib ki, ölkədəki biznes mühitinin əsas problemi kölgə iqtisadiyyatı və yaratdığı fəsadlar, qanunsuz sahibkarlığın leqal biznesdən əldə etdiyi bazar payı kimi məsələlərdir:
“Qeyri-şəffaf rəqabət vergi daxilolmalarına da mənfi təsir edir. Vergi qanunvericiliyi üzrə pozuntularla bağlı Vergilər Nazirliyinin mövqeyində sərtləşmə olacaq. Biz haqsız rəqabət və qanunvericiliyin pozulması hesabına vergilərin ödənilməməsi siyasətini dəstəkləmirik.
İyunun 1-nə olan məlumata görə, son beş ay ərzində qeyri-neft sektorunun özəl bölməsində 66 mindən çox yeni əmək müqaviləsi qeydiyyata alınıb. Bu göstərici ilin əvvəlindən indiyədək ümumilikdə 96 mindən yuxarı olub”.
Femida.az
Oxunub: 479
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"