Ağstafada qan davası: Kütləvi qətlin təfərrüatları
13:40 17 İyun 2019
Bu gün səhər saatlarında Ağstafa rayonunda törədilən kütləvi qətlin təfərrüatları məlum olub.
Femida.az AzVision.az-a istinadən xəbər verir ki, hadisə qan davası səbəbindən baş verib. Belə ki, 15 il əvvəl iki ailə arasında torpaq üstündə başlayan dava iki nəfərin ölümü ilə nəticələnib.
Cinayəti törədən şəxslərdən birinə ömürlük, digərinə 15 il həbs cəzası verib.
Əmisinin qatilinin həbsdən çıxdığını öyrənən Sadıxlı kənd sakini, 25 yaşlı Elnur Süleymanov qisas almaq niyyətilə Böyük Kəsik kəndində yerləşən bazara gedərək orada Şərqiyyə Musayeva, onun oğlanları Novruz və Şəmiddini, həmçinin bazarda satıcı işləyən Ağgöl kənd sakini Zeynəb Cəlilovanı odlu silahla qətlə yetirib.
Silahlı insident zamanı daha 3 nəfər isə xəsarət alıb. Yaralılar xəstəxanaya çatdırılıb. Onlardan ikisinin vəziyyəti kafi qiymətləndirilir, bir nəfər kritik vəziyyətdə Gəncə xəstəxanasına köçürülüb.
İlin ən dəhşətli qətl hadisəsini törədən E.Sülemanov polisə könüllü təslim olaraq, əməlini etiraf edib. Hazırda faktla bağlı araşdırma aparılır.
Femida.az
Oxunub: 737
Oxşar xəbərlər
- Ağstafada avtomobil qəzası olub, xəsarət alanlar var
- Ağstafada avtomobil qəzası olub, xəsarət alanlar var
- Ağstafada 87 yaşlı kişini avtomobil vuraraq öldürüb
- Ağstafada 16 yaşlı oğlan süni göldə boğulub
- Ağstafada qonşular arasında dava olub
- Ağstafada yol qəzalarında 3 nəfər xəsarət alıb
- Ağstafada qatar gənc oğlanı vuraraq öldürüb
- Ağstafada evdən oğurluq etmək istəyən şəxs baltalanıb
- Ağstafada avtomobil aşıb, bir ailənin 3 üzvü xəsarət alıb
- Ağstafada 3 nəfərin öldüyü qəza ilə bağlı cinayət işi başlanılıb