Mübariz İbrahimovun şəhid olduğu gündür
12:04 18 İyun 2019
Bu gün Azərbaycan torpaqlarını erməni qəsbkarlarından azad etmək uğrunda canından keçmiş Milli Qəhrəman Mübariz İbrahimovun şəhid olduğu gündür.
Femida.az-ın məlumatına görə, Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub. Əsgəri xidmətini Daxili Qoşunların "N" saylı hərbi hissəsinin Xüsusi Təyinatlı Bölüyündə keçib. Həqiqi hərbi xidmətini 2007-ci ildə çavuş rütbəsində başa vurub. Bir müddət mülki işlərdə işlədikdən sonra 2009-cu ilin avqust ayında gizir rütbəsində xidmətə başlayıb və öz arzusu ilə cəbhə bölgəsinə yollanıb.
2010-cu ilin iyunun 18-də gecə saatlarında gizir Mübariz İbrahimov təkbaşına iki ordu arasındakı bir kilometrlik minalanmış sahəni keçərək Ermənistan silahlı qüvvələrinin çoxlu sayda əsgər və zabitini məhv edib. Sonra düşmənin öz silahlarını özünə qarşı istifadə edərək onlarla 5 saat təkbətək döyüşüb. M.İbrahimov səhər saatlarında qeyri-bərabər döyüşdə qəhrəmancasına şəhid olub.
Azərbaycan Prezidenti İlham Əliyevin sərəncamı ilə Mübariz Ağakərim oğlu İbrahimova "Azərbaycanın Milli Qəhrəmanı" adı (ölümündən sonra) verilib.
Femida.az
Oxunub: 1650
Oxşar xəbərlər
- Mübariz Mənsimov azadlığa buraxıldı - Bu şərtlə
- Mübariz İbrahimovun doğum günüdür
- Mübariz İbrahimovun anadan olduğu kəndə avtoyürüş keçirilib
- Mübariz İbrahimovun şəhid olduğu posta Azərbaycan Bayrağı sancılıb - VİDEO
- Mübariz Qurbanlı: “Dini ayinləri evdə etsinlər”
- Mübariz Qurbanlı Həccə getmək istəyənlərə çağırış etd
- Mübariz Mənsimov həbs olundu
- Mübariz Mənsimov Türkiyədə saxlanıldı
- Mübariz Qurbanlıdan "Əbu Bəkr" məscidi ilə bağlı açıqlama
- Mübariz İbrahimovu təhqir etməkdə ittiham olunan psixoloqa 3 il həbs cəzası istənilib