Milli qəhrəman Vüqar Hüseynovun doğum günüdür - 50 İL...
10:40 20 İyun 2019
Azərbaycanın Milli Qəhrəmanı, Qarabağ müharibəsi şəhidi Vüqar Hüseynovun doğum günüdür. Yaşasaydı, Vüqar bu gün 50 yaşını qeyd edəcəkdi...
Femida.az milli qəhrəmanın bioqrafiyasını və döyüş yolunu təqdim edir:
Vüqar Hüseynov 20 iyun 1969-cu ildə Cəbrayıl rayonunun Daşkəsən kəndində anadan olub. 1976-1986-cı illərdə həmin kənddə orta təhsil alıb. 1987-ci ildə hərbi xidmətə çağırılan Vüqar 1989-cu ildə xidməti başa vuraraq Azərbaycana qayıdıb və elektirik qaynaqçısı kimi iş fəaliyyətinə başlayıb. Qarabağ müharibəsinin alovlandığı bir dövrdə - 1990-cı ildə DİN-nin polis dəstəsinə yazılan Hüseynov həyatını cəbhə ilə bağlayıb.
Vüqar Xocalıda, Goranboyda uğurlu döyüş yolu keçib. Şəhid jurnalist Salatın Əsgərovanın qətlə yetirənlərin tapılmasında böyük xidməti olub. 1991-ci il 20 iyul erməni qəsbkarları Goranboy rayonuna hücum edərkən, Vüqar qəhrəmancasına vuruşub və döyüş meydanında şəhid olub.
Hüseynov əvvəlcə "Qırmızı Ulduz" ordeni ilə təltif olunub. Daha sonra 1992-ci il 6 iyun Azərbaycan Respublikası prezidentinin 831 saylı fərmanı ilə Hüseynov Vüqar Tofiq oğlu ölümündən sonra "Azərbaycanın Milli Qəhrəmanı" adına layiq görülüb.
Doğulduğu Cəbrayıl rayonunun Daşkəsən kəndində dəfn edilib. Oxuduğu orta məktəb onun adını daşıyır.
Femida.az
Oxunub: 2487
Oxşar xəbərlər
- Şəhid və qazi övladlarına psixoloji dəstəklə bağlı tədbir keçirilib
- Şəhid və şəhid ailəsi üzvləri kimlərdir? - Hüquqi yardım
- Zakir Həsənov şəhid ailələrinə başsağlığı verib
- Vətən müharibəsində şəhid olan və yaralanan sərhədçilərin sayı açıqlanıb
- Bu gün şəhidlərin xatirəsi bir dəqiqəlik sükutla yad ediləcək
- Sosial şəbəkələrdə "şəhid bacısı” adı altında vətəndaşlardan pul toplayan kişi saxlanılıb
- ŞƏHİDLƏRİMİZ VAR
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Şəhid anaları Ordumuz üçün dua etdi – VİDEO
- Ata-anası olmayan şəhidi xalq belə ağladı - DƏFNDƏN ÜRƏKDAĞLAYAN VİDEO