Gömrükdən kapuçino adı ilə narkotik keçirmək istədi
12:38 21 İyun 2019
Dövlət Gömrük Komitəsi (DGK) Əməliyyat-İstintaq Baş İdarəsinin Əməliyyat İdarəsinə Azərbaycan vətəndaşının İrandan narkotik maddə əldə edərək Azərbaycana gətirəcəyi barədə əməliyyat məlumatı daxil olub.
Bu barədə Femida.az DGK-nın mətbuat xidmətindən bildiriblər.
Məlumat əsasında DGK-nın Cənub Ərazi Baş Gömrük İdarəsinin Biləsuvar gömrük postunda İrandan Azərbaycana piyada gələn həmin şəxs saxlanılıb. Gömrük nəzarəti zamanı onun təqdim etdiyi 1 ədəd qara rəngli sellofan torba və 1 ədəd orta həcmli çantadakı yüklər yoxlanılıb. Bu zaman həmin çantalarda 6 ədəd üzərində "Tora Bıka cappuccıno" yazılı paketlərin hər birinin içərisində yerləşdirilməklə gömrük nəzarətindən gizlədilmiş, ümumi xalis çəkisi 244,035 qram olan narkotik vasitə - heroin, eləcə də müxtəlif ərzaq məhsullarının qablaşdırıldığı 5 ədəd paketin içərisindən isə ümumi xalis çəkisi 484,153 qram olan psixotrop maddə - metamfetamin aşkar edilib.
Xatırladaq ki, metamfetamin adlı preparat "Azərbaycan ərazisində dövriyyəsi qadağan edilmiş psixotrop maddələrin I Siyahısı"na daxildir.
Faktla bağlı araşdırma aparılır.
Femida.az
Oxunub: 643
Oxşar xəbərlər
- Gömrükdən keçən malların və nəqliyyat vasitələrinin bəyan edilməsi qaydaları dəyişib
- Gömrükdən gizlədilən siqaretlər aşkarlandı
- Gömrükdən gizlədilən siqaretlər aşkarlandı
- Gömrükdən qanunsuz siqaret və dərman keçirmək istədilər
- Gömrükdən gizlədilən telefonlar aşkarlanıb
- Gömrükdən qanunsuz dərman keçirmək istədilər
- Gömrükdən 304 kq heroin keçirmək istəyən şəxs tutuldu
- Gömrükdən qanunsuz dərman keçirmək istədi
- Gömrükdən tiryək keçirmək istədilər
- Gömrükdən qanunsuz telefon keçirmək istədilər