Prezident Administrasiyasının sektor müdiri sakinlərlə görüşüb
21:27 21 İyun 2019
Gəncə Şəhər İcra Hakimiyyətinin başçısı Niyazi Bayramov və Prezident Administrasiyasının Ərazi-təşkilat məsələləri şöbəsinin sektor müdiri Vəfadar Bağırov müxtəlif idarə, təşkilat və müəssisə rəhbərlərilə birlikdə Gəncənin Əttarlar və Şeyx Bahəddin küçələrində olub, burada sakinlərlə görüşüblər.
Femida.az-ın məlumatına görə, vətəndaşlarla söhbət edən rəsmilər onların problemləri ilə maraqlanıblar.
Sakinləri narahat edən məsələlər yerində araşdırılıb və aradan qaldırılması üçün göstərişlər verilib. Belə ki, ərazidə yağış sularının toplanmaması üçün su kollektorlarının düzəldilməsi, inşaat tullantılarının qısa müddətdə ərazindən toplanması istiqamətində müvafiq qurumlara tapşırıqlar verilib. Bununla yanaşı, qeyd olunan küçələrdə gecə işıqlandırılması sisteminin qurulması üçün də göstəriş verilib.
Rəsmilər Gəncəcay çayının sol sahilində də olublar. Burada Niyazi Bayramov və Vəfadar Bağırova yeni salınacaq park-bulvar kompleksi barədə məlumat verilib. Layihə ətrafında müzakirələr aparılıb. Qeyd olunub ki, burada yaşayan sakinlərin köçürülməsi tam yekunlaşdıqdan sonra işlərə başlanılacaq.
Bunlarla yanaşı, Vəfadar Bağırov Gəncədə icra olunan və şəhərin su-kanalizasiya sisteminin tam yenilənməsini hədəfləyən layihənin gedişatı ilə maraqlanıb, hazırda asfalt örtüyü yenilənən küçələrdə görülən işlərlə tanış olub.
Femida.az
Oxunub: 494
Oxşar xəbərlər
- Prezidentdən Elşən Zeynalovla bağlı sərəncam
- Prezident İlham Əliyev Azərbaycan və Litva arasında imzalanan sazişi təsdiqləyib
- Prezident İlham Əliyev özbəkistanlı həmkarını Azərbaycana rəsmi səfərə dəvət edib
- Prezident İlham Əliyev sərəncam imzaladı
- Prezident İlham Əliyevin Bolqarıstanın Baş naziri Kiril Petkov ilə birgə işçi şam yeməyi olub
- Prezident İlham Əliyev Cozef Baydenə məktub göndərib
- Prezident İlham Əliyevin Türkmənistana səfəri başa çatıb
- Prezident “Kəlbəcər-1” kiçik SES-in açılışında iştirak edib
- Prezident "Qida təhlükəsizliyi haqqında" qanunu təsdiqləyib
- Prezident İlham Əliyev Rumıniya nümayəndə heyətini qəbul edib