DOST layihəsi BMT-nin forumunda maraqla qarşılanıb

DOST layihəsi BMT-nin forumunda maraqla qarşılanıb


20:01     24 İyun 2019 2019/06/E5A5BF21-B029-4646-BD4D-C6DA802CC02B_1561390276.jpeg

Nazir Sahil Babayev BMT-nin Dövlət Xidmətləri Forumunda ölkəmizdə innovativ əsaslarda aparılan sosial islahatlar barədə məlumat verib.

Femida.az xəbər verir ki. BMT-nin Bakıda keçirilən Dövlət Xidmətləri Forumunda Əmək və Əhalinin Sosial Müdafiəsi naziri Sahil Babayev çıxş edərək, Azərbaycanda əmək, məşğulluq, sosial müdafiə sisteminin inkişafı istiamətində aparılan islahatlarda BMT-nin qurumları ilə əməkdaşlığın mühüm rolunu diqqətə çatdırıb.

S.Babayev gələcəyin sosial təminat sisteminin formalaşdırılmasında innovasiyaların necə yardımçı ola biləcəyinə dair fikir mübadiləsinin aparılmasının önəmini qeyd edib. O bildirib ki, cəmiyyətin daha yaxşı gələcəyi üçün necə xidmət edəcəyimizlə bağlı öz ideya və faydalı müzakirələrimizlə bu mötəbər platformaya dəstək oluruq. Forum onu diqqətə çatdırır ki, əlaqəli və əhatəli (inkluziv) sosial təminat sisteminin qurulması innovativ yanaşmanın və tədbirlərin daha effektiv həyata keçirilməsi ilə dəstəklənməlidir. Sosial təhlükəsizliyin idarəedilməsində praktiki yanaşmaya, mükəmməlliyə və innovasiyalara, eyni zamanda onun əhatə dairəsinin, xidmətlərin genişləndirilməsinə, istifadəçilərin səlahiyyətlərinin və dürüstlüyün gücləndirilməsinə diqqət yetirməliyik.

Nazir Azərbaycanda əhalinin qaçqın və məcburi köçkünlərdən ibarət böyük bir hissəsinin, digər həssas qrupların sosial müdafiəsi sisteminin təkmilləşdirilməsində innovasiyaların geniş tətbiqinin əsas istiqamətlərdən olduğunu bildirib. O, ölkəmizdə aparılan sosial islahatlar barədə Forum iştirakçılarına ətraflı məlumat verib. Həmçinin DOST layihəsi təqdim edilib və layihə Forum iştirakçıları tərəfindən böyük maraqla qarşılanıb.

BMT-nin Bakıda keçirilən Dövlət Xidmətləri Forumu dövlət idarəçiliyi, dövlət xidmətlərinin göstərilməsinin qabaqcıl modelləri, innovasiyalar və bu sahədə aktual məsələlər üzrə müzakirələrin aparılması, habelə dövlətlərin bu istiqamətlərdə qabaqcıl təcrübələrinin mübadiləsi məqsədini daşıyır. Forumda dünyanın 190-dan çox ölkəsindən dövlət idarəçiliyi və dövlət xidmətləri üzrə nazirlərdən, yerli idarəetmə orqanlarının, akademik dairələrin və özəl sektorun rəhbər şəxslərindən ibarət 500-dən çox nümayəndə iştirak edir.

Femida.az

Açar sözlər:

Oxunub: 206