Gürcüstanın yeni parlament sədri seçildi

Gürcüstanın yeni parlament sədri seçildi


14:51     25 İyun 2019 19_06_25_1561459955.jpg


Gürcüstan parlamentinin bugünkü plenar iclasında Arçil Talakvadze spiker seçilib.


Femida.az xəbər verir ki, onun namizədliyi səs çoxluğu ilə təsdiqlənib.

A.Talakvadzenin lehinə 101 deputatdan 94-ü səs verib.

Parlamentdə təmsil olunan müxalif Avropalı Gürcüstan və Vahid Milli Hərəkat partiyalarından olan deputatlar səsvermədə iştirak etməyiblər.

Qeyd edək ki, A.Talakvadzenin 36 yaşı var. O, 2016-cı ildən hakim Gürcü Arzusu Partiyasının deputatı və parlament çoxluğunun lideridir. A.Talakvadze 2012-2014-cü illərdə Gürcüstanın penitensiar sistem və probasiya nazirinin müavini, 2014-2016-cı illərdə isə daxili işlər nazirinin müavini vəzifələrində çalışıb.

Qeyd edək ki, Gürcüstan parlamentinin spikeri İrakli Kobaxidze iyunun 21-də istefa verib.

Femida.az

Açar sözlər: #Gürcüstan  

Oxunub: 212