Vəzifəli şəxsin cinayət işi üzrə istintaq başa çatıb
12:30 29 İyun 2019
"Pilot İnşaat-A” MMC-nin vəzifəli şəxsi Namiq Mirişov barəsində cinayət işi üzrə ibtidai istintaq başa çatıb.
Femida.az -ın məlumatına görə, təqsirləndirilən şəxs barəsində toplanan cinayət işinin materialları baxılması üçün Nəsimi rayon Məhkəməsinə göndərilib.
Cinayət işi hakim Şəlalə Həsənovanın icraatına verilib. Məhkəmənin hazırlıq iclasının vaxtı açıqlanmayıb.
Qeyd edək ki, N. Mirişov şirkətin vəzifəli şəxsi kimi Nəsimi rayonu ərazisində üç çoxmərtəbəli bina üzrə ərazi-planlaşdırma sənədlərində qeyd olunan tələbləri pozub. Binalarda mərtəbələrin sayının layihədə nəzərdə tutulduğundan artıq inşa edildiyi müəyyənləşib.
Faktla bağlı N. Mirişov barəsində Cinayət Məcəlləsinin 308.1-ci (Vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar öz və ya üçüncü şəxslər üçün qanunsuz üstünlük əldə etmək məqsədi ilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda) və 222-1.1-ci (Qanunvericiliklə müəyyən olunmuş qaydada müvafiq icra hakimiyyəti orqanlarının razılığını almadan özbaşına bina və qurğular tikmə, mövcud tikililərin konstruksiyasında dəyişiklik etmə, habelə bu tikililərin funksional təyinatı dəyişdirilməklə, onlarda yenidən planlaşdırma, yenidənqurma işlərini aparma insanların həyat və sağlamlığı üçün real təhlükə yaratdıqda) maddələri ilə cinayət işi başlanıb.
Oxunub: 373
Oxşar xəbərlər
- Vəzifəli şəxslərin cinayət işi məhkəməyə göndərildi
- Vəzifəli şəxsləri şantaj edib pul alan sayt rəhbəri həbs olundu
- Vəzifəli şəxslərin əmək haqqı kartları ilə bağlı maxinasiyaları ifşa edilib
- Vəzifəli şəxslər rüşvət alarkən saxlanıldı
- Vəzifəli şəxslərin qanunsuz əməlləri ifşa edildi - Xəstəxanada
- Vəzifəli şəxslərin qanunsuz əməlləri ilə əlaqədar cinayət işi başlanıb
- Vəzifəli şəxsin məhkəməsi başlayır
- Vəzifəli şəxsin qanunsuz hərəkətləri ifşa olunub
- Vəzifəli şəxslərin adından istifadə etdi - 70 mindən çox pul mənimsədi
- Vəzifəli şəxslərə cinayət işi açıldı - Qanunsuz ağac kəsilməsinə görə