Qarşıdakı 2 il ərzində 16 şəhərin baş planı hazırlanacaq
12:38 02 İyul 2019
Nazirlər Kabineti tərəfindən 1 il ərzində 7 şəhərin baş planı təsdiqlənib.
Femida.az xəbər verir ki, bu sözləri Azərbaycan Respublikası Dövlət Şəhərsalma və Arxitektura Komitəsinin sədri Samir Nuriyev jurnalistlərə açıqlamasında deyib.
O vurğulayıb ki, bununla da təsdiqlənmiş baş planların sayı 42-ə çatıb.
“Hazırda 3 şəhərin (Ağcabədi, Biləsuvar, Göyçay) baş planı razılaşdırma mərhələsindədir. Yaxın vaxtlarda onların da təsdiq edilməsi gözlənilir. Daha 7 şəhərin (Bakı, Daşkəsən, Kürdəmir, Saatlı, Sabirabad, Şabran, Tərtər) isə baş planın hazırlanmasına başlanılıb. Qarşıdakı 2 il ərzində 9 şəhərin də baş planının hazırlanmasına başlanılacaq”,- deyə o vurğulayıb.
Femida.az
Oxunub: 275
