Polisi öldürən azərbaycanlı İnterpolun axtarışında
16:07 19 May 2015
25 yaşlı Şamil Qadaşov banditizm, oğurluq, qaçaqmalçılıq və qanunsuz odlu silah saxlamaqda təqsirləndirilir
Femida.az İnterpolun rəsmi internet səhifəsinə istinadən xəbər verir ki, Azərbaycanda polis zabitinin qətlə yetirməkdə təqsirləndirilən radikal dini qruplaşma üzvü beynəlxalq axtarışa verilib.
Məlumatda qeyd olunur ki, 25 yaşlı Şamil Qadaşov banditizm, oğurluq, qaçaqmalçılıq və qanunsuz odlu silah saxlamaqda təqsirləndirilir. Ş. Qadaşov ölkədən qaçdığı üçün onun barəsində dövlətlərarası axtarış elan olunub və saxlanılması üçün İnterpola müraciət edilib.
Qeyd edək ki, Ş. Qadaşov Qusarda polis əməkdaşlarına basqın edən radikal dini qruplaşmanın üzvlərindən biri olub. Hüquq-mühafizə orqanlarının yaydığı məlumata görə, Radif Ağamuradov Qusarda vəhhabi təriqətinə mənsub olan şəxslərdən “Ömər” ləqəbli Faiq Şahmuradov, “Əbu Hənifə” ləqəbli Ramiz Rəhimxanov, “Seyfullah” ləqəbli Edik Rüstəmov, Şamil Qadaşov və digərləri ilə mütəşəkkil dəstə yaradıblar. Onlar valyutadəyişmə məntəqələrində və digər biznes sahələrində işləməyin və gəlir götürməyin haram olduğunu bildiriblər. Belə fəaliyyətlə məşğul olan şəxslərə basqın edib, külli miqdarda pul əldə etmək qərarına gəliblər. Bu məqsədlə 2013-cü ilin yanvar-fevral aylarında Dağıstandan istintaqa məlum olmayan mənbədən silah-sursat alaraq, Azərbaycana gətiriblər. Dəstə üzvləri həmin silahlarla Azərbaycanda bir sıra cinayət törədiblər. Onlar həmçinin Qusarın Həzrə və Aşağı Ləyər kəndləri arasındakı meşə massivində əvvəlcədən düzəltdikləri mağara tipli sığınacaqda polis əməkdaşı Qalib Quliyevi qətlə yetirib, digər üç polis əməkdaşına - Mövlud Əliyev, Cəmil Nəsirov və Məhəmməd İbrahimova isə xəsarət yetiriblər.
Daxili İşlər Nazirliyi və Daxili Qoşunların xüsusi təyinatlı qüvvələrinin keçirdiyi xüsusi əməliyyat nəticəsində dəstənin əksər üzvləri tutulub. Bu il mayın 18-də Bakı Ağır Cinayətlər Məhkəməsində həmin şəxslərə hökm oxunub. Hökmə əsasən, 6 nəfər 14 il, 1 nəfər 13 il, 1 nəfər 12 il, bir nəfər isə 9 il müddətinə azadlıqdan məhrum edilib.
Oxunub: 825
Oxşar xəbərlər
- Polisi aldadanlar cərimələnəcək
- Polisin evini yaranlar tutuldu - Qohumlar imiş
- Polisi güllələyən şəxs iş adamının qardaşıdır
- Polisi görüb, narkotiki maşından çölə atdı
- Polisin öldüyü qəzanın görüntüsü yayıldı - Video
- Polisin müsadirə etdiyi alkoqolu siçovullar içdi
- Polisin üzərinə kimyəvi məhlul atdı - Özünü də öldürdü
- Polisi bomba ilə aldadan şəxs tutuldu - Ağdamda
- Polisin axtardığı cinayətkar şkafdan çıxdı
- Polisinin avtomobilini çəkiclə əzən şəxsə hökm oxundu