Antisanitar şəraitdə işləyən çörək sexi aşkarlandı - Fotolar
18:45 04 İyul 2019

Qida Təhlükəsizliyi Agentliyinə (AQTA) Bakı şəhəri Binəqədi rayonu 2-ci Mədən küçəsi 89 mənzil 48 ünvanında yerləşən fiziki şəxs Babayev Mehman Şirinbala oğluna məxsus çörək istehsalı sexindən şikayət daxil olub.
AQTA-dan Femida.az-a verilən məlumata görə, daxil olan şikayət əsasında qeyd olunan ərazidə Agentliyin əməkdaşları tərəfindən monitorinq keçirilib.
Monitorinq zamanı daxil olmuş şikayət öz təsdiqini tapıb. Belə ki, ilkin baxış keçirilərkən qida təhlükəsizliyi qeydiyyatından keçmədən fəaliyyət göstərən çörək sexində istehsalın normativ texniki şərtlərə uyğun aparılmadığı, sanitar-gigiyena və texniki-normativ sənədlərin tələblərinə əməl edilmədiyi aşkarlanıb. Müəssisədə ilkin emal sahəsi olmadığına görə unun ələnmədən birbaşa xəmir qarışdırıcıya töküldüyü, soyutma sahəsi olmadığna görə isə çörəklərin həyətdə açıq hava şəraitində rəflərə yığıldığı müəyyən edilib. Baxış zamanı emal sahəsində istifadə olunan xammal və hazır məhsulların laborator analizlərinin aparılmadığı və mənşəyinin məlum olmadığı müəyyənləşib.
Eyni zamanda müəssisədə çörəklərin markalanması zamanı istehlakçı hüquqlarının kobud şəkildə pozulduğu, istehsal tarixinin məhsulun istehsal edildiyi gün əvəzinə bir gün sonrakı tarixə vurulduğu və məhsullara əsassız olaraq saxlanma müddətinin 96 saat qeyd olunduğu aşkar edilib.
Aşkar olunmuş nöqsanlar əsasında çörək istehsalı sexinin fəaliyyəti məhdudlaşdırılıb və məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib.
Faktla bağlı qanunvericiliyin tələbləri çərçivəsində araşdırmalar davam etdirilir.
Femida.az
Oxunub: 200
Oxşar xəbərlər
- Şəkidə çörək sexində partlayış olub, xəsarət alan var
- Çörək almağa getdi - İtkin düşdü
- 4 yaşlı uşaq nəfəs borusuna çörək düşməsi nəticəsində ölüb
- "Çörək ağacımı itirmək təhlükəsi ilə üzləşmişdim" - Vətəndaş Ali Məhkəməyə təşəkkür etdi
- Antisanitar vəziyyətdə olan çörək sexi aşkarlanıb
- 14 məhbus çörəkdən zəhərlənərək ölüb
- Şəkidə bədbəxt hadisə - Çörək bişirən qadın təndirə yıxıldı
- Əhaliyə çörək çatdıran maşına hər ay 50 manat cərimə yazılır - VİDEO
- Bakıda çörək sexində dava - 1 nəfər bıçaqlandı
- Qazaxda çörək sexi yanıb