Məhkəmə Nəzarət Palatasının protokolu ilə bağlı qərarı ləğv etdi
12:38 05 İyul 2019
![1398947325_mehkeme.jpg](http://femida.az/photos/1398947325_mehkeme.jpg)
Bakı Apelyasiya Məhkəməsi “Optimal Elektronika”nın Maliyyə Bazarlarına Nəzarət Palatası tərəfindən cərimə edilməsi barədə qərardan şikayətə baxıb.
Femida.az-ın xəbərinə görə, hakim Mirzəli Abbasovun sədrlik etdiyi kollegiyanın hökmü ilə Yasamal Rayon Məhkəməsinin qərarı ləğv edilib və inzibati icraata xitam verilib.
Qeyd edək ki, MBNP “Optimal Elektronika” barəsində İnzibati Xətalar Məcəlləsinin 430.4-cü maddəsi ilə (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmaması) ilə protokol tərtib etmişdi.
Bu inzibati xətaya görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.
“Optimal Elektronika” MMC elektrik malları və məişət əşyalarının satışını həyata keçirir.
Femida.az
Oxunub: 334
Oxşar xəbərlər
- Bakıda dələduzluqda təqsirləndirilən şəxs məhkəmə zalında həbs edilib
- Məhkəmə hakimlərinə məzuniyyətə çıxarkən verilən pul vəsaiti azaldılıb
- Azərbaycanda məhkəmə hakimlərinin maaşı artırılıb
- Azərbaycanda 3 məhkəmə hakiminin səlahiyyətlərinə vaxtından əvvəl xitam verilib - ADLAR
- Ali Məhkəmə Əli Əliyevin kassasiya şikayətini təmin etməyib
- Məhkəmə Əjdər Olun cəzasını azaldıb
- Məhkəmə Rafael Cəbrayılovun cinayət işinə xitam verib
- Əmlak Məsələləri Dövlət Xidməti məhkəmə iddiaları ilə bağlı açıqlama yayıb
- Məhkəmə Şakiranın cinayət məsuliyyətinə cəlb olunması barədə qərar qəbul edib
- Məhkəmə Bakıda anasını qətlə yetirən şəxslə bağlı qərar elan edib