Məhkəmə qərar verdi: ANS haqlı, MTRŞ haqsızdır
21:18 05 Noyabr 2015
Bu gün Bakı Apellyasiya Məhkəməsində "ANS Yayım və Media Şirkəti"nin Milli Televiziya və Radio Şurasına (MTRŞ) qarşı qaldırdığı iddia üzrə apellyasiya şikayətinə baxılıb.
Femida.az-ın "Report"a istinadən məlumatına görə, hakim Nurəddin Mustafayevin sədrliyi ilə keçirilən prosesdə iddia qismən təmin edilib.
Birinci instansiya məhkəməsinin çıxardığı qərar ləğv edilib.
Qeyd edək ki, "ANS Yayım və Media Şirkəti" MTRŞ-nı məhkəməyə verib. 1 saylı İnzibati-İqtisadi Məhkəməyə müraciət edən televiziya kanalı qərarın ləğv edilməsi ilə bağlı tələb irəli sürüb. Məhkəmə qərarı təmin etməyib. Qərarla razılaşmayan ANS apellyasiya şikayəti verib.
Xatırladaq ki, MTRŞ bir müddət əvvəl "ANS" televiziyasının efirində yayımlanan "Salam, Azərbaycan" proqramında vətəndaşların Azərbaycan Konstitusiyası ilə müəyyənləşdirilmiş hüquq və azadlıqlarına hörmətlə yanaşılmadığını, insanların şərəf və layəqətinin alçaldılmasına, işgüzar nüfuzunun ləkələnməsinə, birtərəfliyə yol verildiyini, sponsorluqla bağlı qanunvericiliyin tələblərinin pozulduğunu nəzərə alaraq, ANS televiziyasının efirində yayımlanan "Salam, Azərbaycan" proqramının yayımının 6 oktyabr 2015-ci il tarixdən etibarən 10 (on) gün müddətinə dayandırılması barədə qərar qəbul etmişdi.
Oxunub: 951
Oxşar xəbərlər
- `Ölüm son deyil...` - İntihar edən şairin son şeiri və FOTOLARI
- Mübahisə qanla bitdi: 32 yaşlı kişi bıçaqlandı
- Çitə, məhrək, deltaplan... - Orfoqrafiya sözlüyündə yeni sözlər
- Bəzi yerlərdə yağış, dağlıq ərazilərdə qar yağacaq
- Bakıda üçmərtəbəli bina yandı - Ev sahibi xilas edildi
- Yeni ili sərxoş qarşılayanlar... - 13 nəfər ölümdən döndü
- Türkiyə XİN: `ABŞ İrandakı hadisələri qızışdırır`
- Ruhani söz verdi: İqtisadi problemlər həll ediləcək
- Oqtay Şirəliyev: “Təbabət elmimiz zamanla ayaqlaşmır”
- Bakı sakinlərinə ŞAD XƏBƏR: Avtobuslar bu saata qədər işləyəcək