MSK “Müsavat”ın şikayətinə cavab verdi
21:34 05 Noyabr 2015
Bu gün Mərkəzi Seçki Komiiyasının (MSK) növbəti iclası keçirilib.
Femida.az xəbər verir ki, MSK sədri Məzahir Pənahovun sədrliyi ilə keçirilən iclasda Mərkəzi Seçki Komissiyasının 2 noyabr 2015-ci il tarixli iclasın protokolu təsdiq edilib, 2015-ci il noyabrın 1-də keçirilmiş Milli Məclisə seçkilərlə əlaqədar Mərkəzi Seçki Komissiyasına daxil olmuş müraciətlərə və cari məsələlərə baxılıb.
İclasında Müsavat Partiyası üzvlərinin şikayətinə də baxılıb.
MSK üzvü Bəxşeyiş Əsgərov qeyd edib ki, müraciətdə Müsavatın seçkilərdə iştirakı dayandırmasına baxmayaraq, namizədlərin adının seçki bülletenindən çıxarılmadığına etiraz edilib, Dairə Seçki Komissiyalarının (DSK) müvafiq qərarlarının ləğv edilməsini istəyiblər. Onun sözlərinə görə, araşdırma zamanı məlum olub ki, Müsavatın namizədləri dairə üzrə lider namizəddən dəfələrlə az səs yığıblar: “Buna görə də seçicilərin öz seçimini azad ifadə etmədiyi barədə şikayətlər əsassızdır. MSK-nın 29 oktyabr tarixli qərarını Apellyasiya Məhkəməsi də qüvvədə saxlayıb. Bu qərarda göstərilir ki, partiya seçkiyə 10 gün qalmış seçkilərdə iştirakı dayandıra bilər. Bu baxımdan şikayətlərin heç bir əsası yoxdur”.
MSK sədri Məzahir Pənahov da qeyd edib ki, Müsavat namizədlərinin şikayəti öz mənasını itirib. Belə ki, namizədlərin adının seçki bülletenindən çıxarılmaması ilə bağlı məsələyə artıq MSK dəfələrlə münasibət bildirib.
Səsvermə nəticəsində şikayət təmin edilməyib.
Oxunub: 1153
Oxşar xəbərlər
- MSK-nın iclası keçirilib
- MSK sabah referenduma yekun vuracaq
- MSK: `Seçici fəallığı 69,7 faiz olub`
- MSK sədri də səs verdi
- MSK və DİN zona müşavirəsi keçirdi
- MSK YAP-ın təşviqat qrupunu qeydə aldı
- MSK-da referendumla bağlı ekspert qrup yaradılıb
- MSK Ağdaşdakı seçkilərə yekun vurdu
- MSK sədri AŞPA nümayəndələri ilə görüşdü
- MSK İlqar Məmmədovun şikayətini təmin etmədi