Sabahdan 46 nömrəli marşrut xəttində yeni avtobuslar fəaliyyətə başlayacaq

Sabahdan 46 nömrəli marşrut xəttində yeni avtobuslar fəaliyyətə başlayacaq


17:15     06 İyul 2019 2019/07/17-15-58-495d209396b3fc9_1562418996.jpg

46 nömrəli marşrut xətti üçün yeni avtobuslar gətirilib.

Bakı Nəqliyyat Agentliydən verilən məlumata görə, Nazirlər Kabinetinin 4 mart 2019-cu il tarixli 73 saylı qərarı ilə təsdiq olunan tələblərə uyğun olan avtobuslar 7 iyul tarixindən 46 nömrəli müntəzəm marşrut üzrə istismara veriləcək.

Qarşıdakı aylarda 46 saylı xətt üzrə gediş haqqı ödənişi nağdsız qaydada BakıKart vasitəsi ilə aparılacaq. Artıq bununla bağlı müvafiq işlər görülür.


“İsuzu Citibus” markalı avtobuslar "Avro 5" standartlarına cavab verməklə yanaşı, sərnişinlərə göstərilən xidmətin keyfiyyətinin artırılmasına imkan verir. Yeni avtobuslardan fiziki imkanları məhdud şəxslər, eləcə də uşaq arabası ilə olan sərnişinlər rahat istifadə edə biləcək. Bunun üçün avtobuslarda xüsusi mexanizm quraşdırılıb.

Qeyd edək ki, avtobus parkının yenilənməsi işləri çərçivəsində ölkə başçısının müvafiq sərəncamına əsasən paytaxta 300 nəqliyyat vasitəsi gətiriləcək. Avtobusların ilk hissəsinin avqust ayında gətirilməsi nəzərdə tutulub. Gətirilən avtobusların 20 ədədi 18 metrlik olacaq.

Açar sözlər:

Oxunub: 359