Anasını xüsusi amansızlıqla öldürən şəxsin məhkəməsi başladı
17:14 08 İyul 2019
Bakı Ağır Cinayətlər Məhkəməsində qəsdən adam öldürməkdə təqsirləndirilən Eldar Müslümovun cinayət işi üzrə məhkəmənin hazırlıq iclası keçirilib.
Femida.az-ın məlumatına görə, hakim İlham Mahmudovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib və iş üzrə məhkəmənin baxış iclası iyulun 16-na təyin edilib.
İttihama görə, bu ilin fevral ayının 18-də Bakının Nərimanov rayonu ərazisində 26 yaşlı Müslümov Eldar Şirəddin oğlu 66 yaşlı anası Müslümova Nailə Əzim qızını öldürüb.
O, ilkin ifadəsində anasını ona “smartfon” telefon almadığı üçün öldürdüyünü deyib. E.Müslümov ifadəsində bildirib ki, ailə-məişət münaqişəsi zamanı stulla anasının sinə nahiyəsinə zərbə endirib. Qadın zərbənin təsirindən yıxılıb və başı divara dəyib.
Törətdiyi hadisədən dərhal sonra E.Müslümov mənzilin qapısını bağlayaraq hadisə yerindən qaçıb.
Fevralın 19-u saat 16:00 radələrində anasının sağ qaldığı ümidi ilə evə geri dönüb, təcili tibbi yardım çağırıb. Ancaq həkimlər onun öldüyünü deyib.
E.Müslümova Cinayət Məcəlləsinin 120.2.11 (xüsusi amansızlıqla qəsdən adamöldürmə) maddəsi ilə ittiham verilib.
Femida.az
Oxunub: 577
Oxşar xəbərlər
- Anasını döyərək öldürən şəxsin məhkəməsi başlayır
- Anasını çəkiclə öldürən ruhi xəstənin cinayət işi məhkəməyə göndərilib
- Anasının fermasından 71 baş keçi oğurlayan Şəki sakini tutuldu
- Anasını öldürüb, meyitini yandıran şəxsə hökm oxundu: 19 İL HƏBS
- Anasının ölümündən 56 gün sonra dünyaya gəldi
- Anasını öldürüb meyitini yandıran şəxsin cinayət işi məhkəməyə göndərilib
- Anasını görməyə getdi - Qətlə yetirildi
- Anasını öldürən qız həbsdə qaldı - Şikayəti təmin edilməyib
- Anasını fahişəliyə cəlb edən qızla bağlı qərar veridi: Həbs yatacaq
- Anasının məşuqunu ofisdə güllələdi - HADİSƏNİN VİDEOSU