52 yaşlı kişi həyətində 5 kq narkotik yetişdirdi
15:50 13 İyul 2019
Goranboy rayonunda narkotik istehsalçısı saxlanılıb.
DİN-in Mətbuat Xidmətinin Gəncə regional qrupundan Femida.az-a verilən məlumata görə, Goranboy RPŞ-nin əməkdaşlarının keçirdikləri əməliyyat-axtarış tədbirləri nəticəsində Xoylu kənd sakini 52 yaşlı Elman Hüseynova məxsus evin həyətyanı sahəsində xüsusi aqrotexniki qaydada qulluq edilmiş narkotik xassəli çətənə - Kannabis bitkiləri aşkarlanaraq götürülüb. Hal şahidlərinin iştirakı ilə həyətyanı sahəyə baxış zamanı oradan 24 ədəd çətənə kolu aşkar olunub.
Davam etdirilən əməliyyat-axtarış tədbirləri nəticəsində E. Hüseynovun yaşadığı evindən və həyətindəki tövlədən ümumi çəkisi 5 kiloqram 727 qram narkotik vasitə olan qurudulmuş marxiuana aşkar edilərək götürülüb.
Hər iki faktla əlaqədər Goranboy rayon Polis Şöbəsinin İstintaq bölməsində cinayət işi başlanılıb, araşdırmalar davam etdirilir.
Oxunub: 450
Oxşar xəbərlər
- 520 nəfər işsizə fasilə dövrü üzrə təqaüdlər ödənilir
- 528 itmiş sənəd sahibinə qaytarıldı
- 52 çantadan 25 nəfərin meyiti tapıldı
- 525 saylı marşrut xətti üzrə əlavə 20 avtobus istifadəyə veriləcək
- 52 min əmanətçinin pulu geri qaytarılacaq
- 52 mindən çox namizəd müəllim olmaq istəyir
- 52 yaşı var, dünən məzun oldu
- 52 min manatlıq dələduzluq edən şəxs hökm oxunub
- 52 yaşlı kişi itkin düşüb - FOTO