Dövlət qurumu bu tələbələrin təhsil haqqını ödəyəcək

15:11 15 İyul 2019

Azərbaycan Respublikasının Qida Təhlükəsizliyi Agentliyi Türkiyə ali məktəblərinə qəbul olunmuş magistrlərə müraciət edib.

Femida.az-ın məlumatına görə, müraciətdə deyilir:

Azərbaycan Respublikasının Qida Təhlükəsizliyi Agentliyi baytarlıq, aqronomluq və qida məhsulları mühəndisliyi ixtisasları üzrə magistr təhsili almaq üçün Türkiyə Cumhuriyyətinin ali təhsil müəssisələrinə qəbul olunmuş namizədləri müsahibəyə dəvət edir.

Müsahibə nəticəsinə uyğun olaraq, namizəd ilə Agentlik arasında müvafiq müqavilə imzalanacaq və namizədin təhsil, o cümlədən digər xərcləri Azərbaycan Respublikasının Qida Təhlükəsizliyi Agentliyi tərəfindən ödəniləcək.

Müsahibədə iştirak etmək istəyənlər 2019-cu il iyul ayının 15-dən avqust ayının 15-dək öz şəxsi məlumatlarını [email protected] elektron ünvanına göndərə bilərlər. Əlavə məlumat almaq istəyən şəxslər Azərbaycan Respublikasının Qida Təhlükəsizliyi Agentliyinə müraciət edə bilərlər.

Əlaqə nömrəsi: (012) 565-12-82 (155, 525)

Femida.az