Rüşvətə görə tutulan hakimin vəsatəti təmin edilməyib
20:30 15 İyul 2019
Şəki Ağır Cinayətlər Məhkəməsində Zaqatala Rayon Məhkəməsinin keçmiş hakimi Arif İsmayılov, onun məsləhətçisi Şahid Allahverdiyev və Vəkillər Kollegiyasının üzvü olmuş Məmməd Yaqubovun cinayət işi üzrə məhkəmə prosesi başlayıb.
Femida.az -ın məlumatına görə, hakim Nahid Mirzəyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Prosesdə Arif İsmayılovun və Şahid Allahverdiyevin vəkilləri vəsatət verərək müvəkkilləri barəsində olan həbs qətimkan tədbirinin dəyişdirilməsini xahiş ediblər.
Vəsatət təmin olunmayıb. Məhkəmə baxışı iyulun 24-ə təyin edilib.
Qeyd edək ki, qanunvericiliyin tələblərini kobud pozmasına və korrupsiyaya şərait yaradan hallara görə səlahiyyətlərinə xitam verilən Zaqatala Rayon məhkəməsinin hakimi Arif İsmayılov barədə materiallar Məhkəmə-Hüquq Şurasının qərarına əsasən, cinayət xarakterli korrupsiya halına hüquqi qiymət verilməsi üçün Baş prokuror yanında Korrupsiyaya qarşı Mübarizə Baş İdarəsinə göndərilib.
Materiallar üzrə cinayət işi başlanıb və istintaqın gedişində Zaqatala Rayon Məhkəməsinin hakimi Arif İsmayılov və məsləhətçisi Şahid Allahverdiyevin məhkəmənin icraatında olan mülki iş üzrə tərəflə qeyri-prosessual münasibətlər yaradaraq rüşvət tələb etmələri müəyyən edilib.
Bununla əlaqədar Baş prokuror yanında Korrupsiyaya qarşı Mübarizə Baş İdarəsi tərəfindən A. İsmayılova Cinayət Məcəlləsinin 311.1 (rüşvət alma), Ş. Allahverdiyevə isə 32.4, 312.1-ci (rüşvət verməyə təhrik etmə) maddələri ilə ittiham elan olunmaqla, barələrində məhkəmənin qərarı ilə həbs qətimkan tədbiri seçilib.
Bu iş üzrə Vəkillər Kollegiyasının üzvü olmuş Məmməd Yaqubova da ittiham verilib. Onun barəsində həbs qətimkan tədbiri seçilməyib.
Oxunub: 685
Oxşar xəbərlər
- Rüşvətə görə saxlanılan gömrük əməkdaşlarına bəraət verilib
- Rüşvətə görə həbs edilən məmurlar apellyasiya şikayəti verib
- Rüşvətə görə işdən çıxarılan vəzifəli şəxs məhkəməyə müraciət etdi
- Rüşvətə görə həbs olunan sabiq prokuror Ali Məhkəməyə müraciət etdi
- Rüşvətə görə həbs edilən vəzifəlilərin məhkəməsi başlayır
- Rüşvətə görə həbs edilən keçmiş hakimdən YENİ XƏBƏR
- Rüşvətə görə tutulan icra başçıları bu maddələrlə ittiham olunur
- Rüşvətə görə həbs edilən keçmiş polis əməkdaşından xəbər var
- Rüşvətə görə həbs edilən keçmiş vəkil azadlığa buraxılıb
- Rüşvətə görə həbs edilən məhkəmə hakiminə hökm oxundu