Polad Bülbüloğlu Avstraliyanın Rusiyaya yeni təyin olunan səfiri ilə görüşüb
21:41 19 İyul 2019
Azərbaycanın Rusiyadakı səfiri Polad Bülbüloğlu Avstraliya İttifaqının Rusiya Federasiyasına yeni təyin olunmuş səfiri Qreym Mixanla görüşüb.
Səfirliyin mətbuat xidmətindən Femida.az-a verilən məlumata görə, həmkarını Rusiyaya təyinatı ilə əlaqədar təbrik edən Azərbaycanın Rusiyadakı səfiri ona diplomatik fəaliyyətində müvəffəqiyyətlər arzulayıb. P.Bülbüloğlu Azərbaycan ilə Avstraliya arasında münasibətlərin yüksək səviyyədə olduğunu bildirib və dövlətlərarası əlaqələrin daha da inkişaf etdirilməsi üçün geniş potensialın mövcudluğunu vurğulayıb.
Azərbaycanlı səfir Rusiya Federasiyasında akkreditə edilmiş diplomatik korpusun duayeni qismində fəaliyyəti haqqında da məlumat verib. Görüş zamanı dünya birliyi ölkələrinin qarşılaşdığı təhdidlər və çağırışlara qarşı birgə mübarizənin aparılmasının vacibliyi və müasir beynəlxalq münasibətlərdə ümumtanınmış normalara riayət edilməsinə ciddi ehtiyac duyulduğu qeyd olunub .
Həmçinin P.Bülbüloğlu Ermənistan-Azərbaycan Dağlıq Qarabağ münaqişəsinin tarixi və nəticələri haqqında ətraflı məlumatı həmsöhbətinin diqqətinə çatdırıb. Münaqişənin Azərbaycanın ərazi bütövlüyü çərçivəsində tezliklə həllinin regionda sülhün və sabitliyin bərqərar olmasına bilavasitə təsir edəcəyini söyləyib.
Görüş əsnasında qarşılıqlı maraq doğuran bir sıra məsələlər ətrafında da fikir mübadiləsi aparılıb.
Femida.az
Oxunub: 545
Oxşar xəbərlər
- Polad Həşimovun xanımına vəzifə verildi
- Polad Həşimovun qızı ağ xalatda atasının məzarını ziyarət etdi - Foto
- Polad Həşimovun qızı bu universitetə qəbul oldu
- Polad Həşimov və İlqar Mirzəyevin şəhid olmasından bir il ötür
- Polad Həşimovun şəxsi əşyaları muzeyə verildi - FOTO
- Polad Bülbüloğlu: “Ermənistan özünü uduzan tərəf kimi aparmalıdır” - MÜSAHİBƏ
- Polad Həşimovun əsgəri Şuşada bıçaqlanaraq ŞƏHİD olub
- Polad Həşimov və İlqar Mirzəyevə Milli Qəhrəman adı verilib
- Polad Həşimovun adına küçə veriləcək - Prezidentdən tapşırıq
- Polad Bülbüloğlu Rusiyadakı azərbaycanlılara müraciət etdi