Jurnalist olmaq istəyən abituriyentlər, DİQQƏT!
11:03 22 İyul 2019
Bu gündən III ixtisas qrupu üzrə imtahan verən və “Jurnalistika” ixtisasına qəbul olmaq istəyən abituriyentlərin qeydiyyatı başlayır.
Dövlət İmtahan Mərkəzindən Femida.az-a verilən məlumata görə, III ixtisas qrupu üzrə imtahan verərək müsabiqə şərtini ödəyən (ümumi balı ən azı 200, imtahanın ikinci mərhələsi üzrə balı isə ən azı 100 bal olmalıdır) və “Jurnalistika” ixtisasına qəbul olmaq istəyən abituriyentlər 22-25 iyul 2019-cu il tarixlərində http://eservices.dim.gov.az/erizebak/jurnalistika/ internet səhifəsinə daxil olaraq qeydiyyatdan keçməlidirlər.
Qeydiyyatdan keçən abituriyentlər təqdim olunan mövzu üzrə yazı işi (inşa) yerinə yetirirlər.
Ali təhsil müəssisələrinə tələbə qəbulu ilə bağlı imtahanda iştirak üçün ilk dəfə müraciət edən və xüsusi qabiliyyət tələb edən ixtisaslar üzrə qeydiyyatdan keçməyən Azərbaycan Respublikasının vətəndaşlarının cari ildə “Jurnalistika” ixtisası üzrə yazı işində iştirakı dövlət büdcəsinin vəsaiti hesabına olacaq. Digər abituriyentlər qeydiyyatdan keçərkən tələb olunan məbləği şəxsi kabinetindəki hesabına əlavə etməlidirlər.
“Jurnalistika” ixtisasına qəbul olmaq istəyən abituriyentlərin qabiliyyət imtahanı avqustun 1-də keçiriləcək. Bu mərhələdən uğurla keçən abituriyentlər ixtisas seçimi zamanı digər ixtisaslarla yanaşı “Jurnalistika” ixtisasını da seçə bilərlər.
Qabiliyyət imtahanı mərhələsində abituriyentlərə təklif olunacaq inşa mövzuları (Azərbaycan və rus dilində), abituriyentlərin yazacaqları inşaya (esseyə) verilən tələblərlə “Xüsusi qabiliyyət imtahanları” jurnalının 1-ci sayında tanış ola bilərsiniz.
Femida.az
Oxunub: 853
Oxşar xəbərlər
- Jurnalist Oğuz Altayın vəfatından 1 il keçir
- Jurnalist Araz Zeynalov vəfat edib
- Jurnalistikaya qəbul olmaq istəyənlər qabiliyyət imtahanı verəcək
- Əməkdar jurnalist Mais Məmmədov reanimasiyaya yerləşdirilib
- Ukraynalı hərbi jurnalist müharibədə həlak olub
- Jurnalist Əfqan Sadıqov əfv edilib
- Tanınmış jurnalist vəfat etdi
- Jurnalist Aytən Məmmədovaya hücumla bağlı cinayət işi başlanılıb
- Ukraynada 23 jurnalist həlak olub
- Özünü jurnalist kimi təqdim edən şəxsin cinayət işi üzrə ibtidai istintaq yekunlaşıb