Namus qətlinə görə 13 il 6 ay cəza tələb olundu
14:08 24 İyul 2019
Şabran rayonunda baş verən qətlə görə məhkəmə iclası davam etdirilib. İlkin məlumata görə qətl hadisəsi namus üstündə törədilib. Amma həbs edilən şəxs qətli özünün törətmədiyini deyir.
Femida.az musavat.com-a istinadən xəbər verir ki, Bakı Ağır Cinayətlər Məhkəməsində qətl törətməkdə ittiham edilərək həbs edilən 1980-ci il təvəllüdlü Vüsal Hacıyevin cinayət işi üzrə məhkəmə iclası davam etdirilib.
İttihama görə, Vüsal Hacıyev həmyerlisi, 1982-ci il təvəllüdlü Ruslan Hacıyevi qısqanclıq zəminində qətlə yetirib.
Belə ki, Vüsal Hacıyev evinə gələn zaman Ruslan Hacıyevi həyətində görüb. Bu zaman V.Hacıyev həmyerlisinin həyat yoldaşı ilə şəxsi münasibəti olduğunu düşünərək ona çoxsaylı bıçaq xəsarətləri yetirib. R.Hacıyev hadisə yerindəcə ölüb.
Bu gün hakim Mirzə Xankişiyevin sədrliyi ilə keçirilən məhkəmə iclasında prokuror çıxış edib. Prokuror V.Hacıyevin 13 il 6 ay müddətinə azadlıqdan məhrum edilməsini istəyib.
Qeyd edək ki, Vüsal Hacıyev ittihamla razılaşmır. Deyir ki, bu qətli törədən İsmayıl Səfərəliyev adlı şəxsdir. Vüsal günahsız olduğunu deyib.
O, İlham adlı şəxsin Ruslanı öldürdüyünü və Tümenə qaçdığını bildirib: "İlham indi burda yoxdur. Amma onu tapmaq belə istəmədilər. Mən bunu müstəntiqə də dedim. Bir daha qeyd deyirəm ki, əgər mən onu öldürmək istəsəydim, bir neçə il əvvəl olan hadisəyə görə, həyətimdə tutanda öldürərdim. Amma bunu eləmədim. İndi isə buna görə ittiham olunuram".
Vüsal Hacıyevə Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
Femida.az
Oxunub: 570
Oxşar xəbərlər
- XİN Azərbaycanın hərbi cinayətlərdə ittiham olunmasına münasibət bildirib
- Cinayət törədərək gizlənən 28 nəfər ötən bir ildə ölkəyə ekstradisiya edilib
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- Sumqayıtda zavoda fəhlə hündürlükdən yıxılaraq ölüb, cinayət işi açılıb
- "Patrul.az” xəbər portalının təsisçisi barəsində cinayət işi başlanılıb
- Azərbaycan Baş Prokurorluğu: "Ermənistanın təxribatları ilə bağlı cinayət işləri başlanılıb"
- "Tərtər işi" ilə bağlı 26 şəxs barəsində cinayət işi üzrə hökmlər ləğv edilib
- Lerikdə baş verən ağır yol qəzası ilə bağlı cinayət işi başlanılıb
- Bakıda həyətdə qumbara partladılması ilə bağlı cinayət işi başlanılıb
- Şəmkir və Neftçalada vəzifəli şəxslərə cinayət işi açılıb, bir nəfər həbs edilib